Kerwespruch 2020 Coronakerb

Coronakerwe zwodausendzwanzisch,
Unn bei de Pungschder werrn die Fässer ranzisch.
Zu kämpfe ham mer all zusamme,
drum stehn mer heit aa net beisamme.

Jeder fer sich, orrer in kloane Gruppe
Dun mir dies Joahr de Kerwespruch gugge.
Des is zwar bleed, awwer besser wie nix:
Kerwespruch 20-20, jetz nei aus de Bix!

Aach mir Kerweborsch feiern mit Abstand unn im kloane Kreis,
weil bei uns auch jedermann weiß:
Seid net bleed unn haltet euch dro,
zu ner Infektion gehörn mindestens zwo.

Denkt dro unn bleibt euch all im Klare,
mer müsse nur die Ruh bewahre.
Alles geht rum, mit Geduld und Verstand,
Corona, schlääschd Wedder unn aa de Trump.

Ihr liewe Leit unn Leidsgenosse,
horscht gut zu, glei kumme die Bosse.
Doch bevor ichs eich verzeehl,
brauch ich mol en Woi fer moi Kehl.

***

Willste mit doim Karrn paar Joahr rumkutschiern,
musste aach mol e paar Mark investiern.
Doch weil er drei Kreuzer spare wollt,
is en Bekannte ausm Ort in die polnisch Werkstatt gerollt.

E Fachwerkstatt mit schmalem Lohn,
die kloane Fehler finne die schon.
Weil woann mer glei zum Händler fährt,
soin die Stunne am End es doppelte wert.

Es wärn jo nur paar Kleinischkeite zu mache,
Bremse, Auspuff unn so Sache.
Aach de Modor leeft net goanz rund,
wos mer do heert klingt net gesund.

Unn wie er doann auf de Hof kutschiert,
werd de gackernde Motor glei analysiert.
„Stellst du hin, lassen Motor an!“
meint de Bolek unn macht sich glei dran.

Wunderbar, so solls soi, denkt sich unser Moann,
Die Pole soin noch e Volk, wo jeder schaffe koann.
Er laaft hoam ins Ort, immer Rischdung Balles,
unnerwegs iwwerlegt er, woas brauch ich doann alles.

Grad egal woas er kaaft hoat, es Grille fällt aus,
Schütts doch de goanze Sunndoag wie aus Oamer draus.
Also macht mer sich halt net verrickt,
Es werd sich uff de Couch erum gedriggt.
Oowends doann, ihr ahnt es schon,
klingelt doann soi Telefon:
„Hier moin Freund, des is doch doin Karrn,
Ich glaab der steht do rum unn de Motor is an.“

Mit laafendem Motor, steht der Karrn uff de Gass
Unn weil die Deer uffsteht, isser inne aa Nass.
Als doann unsern Eigner oogerennt,
war grad de letzte Troppe Sprit verbrennt.

Mit hochrotem Kopp es Handy gekrallt,
doann gabs en Oschiss, dass‘ schaurig hallt.
„Doi Werkstatt is zu, genau wie doi Tor,
warum steht do moi laafend Auto devor?“

De goanze Tank leer, inne pitschnass,
E Wochenend Tag der offenen Tür uff de Gass.
Die Pole hatte nach em Fresse,
des scheene Audo groad vergesse.

Bezeehlt mer liewer mit Banane,
muss mer eigentlich vorher ahne,
dass mer kriegt zum Schaffe,
selten Profis, meistens Affe.

***

Paar Kumpels wollte mol goanz foi,
was anners als Banause soi.
E Glas Woi unn schick was esse,
Stattdesse wurd gesoffe unn gefresse.
Wirrer nix mit Hautevolee,
de Owend der war trotzdem schee.
Voll mit Woi unn Broore unn Soos,
wurd beim Oane de Druck nach unne groß.

„Hier moin Freund, wo is doann es Boad,
Ich muss Bach unn des annern wär aa schun parat.“
„Trepp nuff unn doann uff de Link seit,
woannde in de Schloofstubb stehst, biste zu weit..“

Er dabbt hoch ins Boad unn sieht do woas steh,
do koann ich mich mol wieje, ach wie schee.
Do koann ich goanz genau mol messe,
wie veel ich los werd uff de Presse.

Er stellt sich druff, es hat laut gerumpelt
Unn wo’s eben noch grie geleucht hat is jetz dunkel.
Mitte im Boad leit unsern Spezialist,
weil em des Ding unner de Füß weggerollt is.

Er rifft soin Kumpel unn weißt em soi Maleehr,
unn verzehlt fer des Ding war er zu schwer.
Klar war er zu schwer fers Gerät von de Modder,
en nagelneie Saugrobodder.

Gekost hat des Ding fast dausend Mark,
Im Arsch wars glei mit em laute Knack.
Unn so kimmts, hättstes geglaubt:
Es werd wirrer manuell gesaugt.

Mer verzeehlt sich, de Kumpel vun unserm Junggeselle,
des war oaner vun Worfelle.
Weil so e nei Technologie,
find seltenst mol de Weg do hie.

***

Uff ner Baustell bei uns im Neubaugebiet,
do wurd veel geschafft, unn koaner wurd mied.
Weil woann mer do hinne, hott e Haus
Doann sieht des meistens, nooch woas aus.

Deshalb wurd im Hof, unn des ist net geloue
neue Pladde verlegt unn e Loch ausgehowwe.
Oaner vun de Nochbern, denkt sich „Oh Man.
Guggt eisch die Baustell doch emol an“.

Er dut soim Noachbar mim Finger her logge,
unn segt: „Doi Baustell, die iss goanz schee trogge.“
„Ich kumm glei mol riwwer unn hogg mich dezu
unn bring e paar Pils mit, in moine Kiehltruh“

Aus de Nachbarschaft is doann noch e Päärsche kumme,
warum doann aa net, de Alk war fer umme.
Es werd doann wild, glei hoch die Tasse
vum Schnaps konnte se aa, die Finger net loasse.

Es is schun halb 3 do fällt ehne oi,
mer misse doch moje frieh schun drunne soi.
Romandische Urlaub uffm vorhnehme Hof,
Mit Kieh unn Sei unn aa mit em Schoof.

Des Päärsche hot des groad vergesse,
unn hoat in de Noacht noch wie bessese,
Wäsch gewesche unn die Koffer gepackt
Am nächste moijend, warn die zwaa gut am Sack.

Macht nix, mer ham ja jetzt erstemol Ruh
Unn mer saufe uns heut, aa nemmer so zu.
Nooch fünf Stunn Fahrn, soin se endlich do
Uffm Bauernhof in de Alpe, wos soin die zwaa froh.

„Ei Gude wie, am Matterhorn.
Mer soin die Zwaa, aus Biddelborn.“
De Hofbesitzer guggt bissje bleed,
er muss emol checke, woas in de Buchung steht.

„Ich muss eisch saache ehr liewe Leit,
Tut des Verhalde, ihne gar net leid?
Des is jo, en goanz nette Versuch
Awwer sie hawwe erst, ab moje gebucht.“

Woannse gestern net so tief in ihr Glas geblickt,
do hätte ses aa uff die Kett gekriegt.
Moin Mund ist trocke unn es dut aa schun stinke,
Ich brauch jetzt erstmol wos zu trinke.

***

Moanche Geschischde, sinn oafach schee korz
Wie wennde Scheiße willst, unn es kimmt nur en Forz.
Im Dezember groad im letzte Joahr,
do wars wie immer, is doch kloar.
Unsern Weihnachtsmaad, so kloa unn schee
Wo die Leit, all gern hie geh.
Aa de TV hot do wirrer en Stoand,
dene hoannse aa die Bud oigeroannt.

Woas war de Gliewoi do so foi,
Macht emol meh, in moin Becher do noi.
„Ach du scheiße, ich glaab de Hoahn is am Arsch,
do kimmt nix meh raus, nur bissje Gas.

Panisch hennse en Spezi kontaktiert,
dass der dene, des Ding repariert.
Der kam doann schnell ihn wunnerts sehr,
Doann der Dibbe, war oafach nur leer.

***

Skifoarn diesjoahr, war fer viele net schee
Ab Ofoang März, do ging nix meh.
Doch vor dem goanze Corona-Mist,
do ging’s fer viele noch uff die Pist.

Aa paar Handballer, hier ausm Ort
die soin im Januar, nooch Ischgl fort.
Drei Tage warns, unn des war aa genug.
Die Zeit verging do wie im Flug.

Ibiza der Alpe, werd des Örtsche genennt.
Unn bald hat mer dort, die goanz Moannschaft gekennt
Veel gefahrn, soin se do nämlich wenisch
Awwer hawwe sich benumme, als wärn se de Könisch.

Oam zwotte Owend, in so rer riese Beiz
Do war koan Platz, fer miese Laune unn Geiz.
Ab an die Thek: „Servus unn Gude,
Mach mol e groß Flasch, fer mich unn moi Buwe“

Drei Lidder Wodka, unn des Goanze mol drei.
Mit knapp 15 Moann, des war e mords Sauerei.
Ehr kennt mers glaawe, des war en riese Spaß,
vun deene Kerl, wusst koaner meh woas.

Nach nur paar Stunne, es ging goanz schnell,
do warn se all schun zurück im Hotel.
Glei oigeschloofe, doch was ehr net wisst.
Oaner vun dene Buwe, der wurd noch vermisst.

Halwer vier in de Noacht klingelts Telefon,
Unn dro war unsern verlorene Sohn.
„Scheiße ich lieg im falsche Bett,
unn moin Zimmergenosse, den kenn ich net“

„Ich waas nix meh“ tut er noch klaache,
„Wo soin ich doann, könnt ehr mers soache?“
Was bassiert war, des wollt jeder wisse.
Der Kerl hoat en scheene Klopper gerisse.

Kaum raus aus dem Schuppe hoat der sich gedenkt,
ich mach dem Örtsche, mol e Geschenk.
Medde uff die Gass, unn des werd net gern gesehn
Hoatter gepisst unn zwar net im stehn.

Des Ordnungsamt, kam doann glei oo.
„Ai Gude Meister, woas mache sie do?
„So Sperenzjer, des wolle mer hier net,
mer buche ihne jetzt, e Krankehausbett!“

Am nächste moijend, wollt er doann zurigg,
doch er hoat doann gemerkt, des is e schee Stigg.
80 Kilomeder mim Taxi, des war goanz schee deier
Oam nächste Tag hatter koa Geld meh zum Feiern.

***

De Spruchschreiwer werd anvertraut,
dass, wenn oaner Scheiße baut,
Koaner soin Nome hier droi find,
Unn aa net de Nome, vun soim Kind.

Do dro halde mer uns streng,
Aus die Maus unn Ende Peng.
So aa in de nächst Geschicht, ai is doch klar,
dass ihrs net glei wisst, wer der Dummbeidel war.

En Metzger midde ausm Ort,
der macht zum Schlachde net weit fort.
Der hoat e Schlachtkich, ach wie foi
Hinne in soim Hof do droi.

***

Beim Schlachte hoat er gern soi Ruh,
unn desdeweije, horscht gut zu
schlacht er nur noachts, woann alle penne
unn ihm net die Bud oirenne.

Doch goanz so still, des is halt nix,
desweije hoat er e Musigg-Bix.
So e Gerät mit Blauzahn, full High-End,
denn des wär, de neiste Trend.

Während unsern Metzjer, die Werschdscher macht,
hert er gern Musigg, die schee kracht.
Die Flippers unn Helene Fischer,
do schmeckt die Worscht aa glei veel frischer.

Halwer zwo noachts, unn es geht los,
Handy mit de Box verbunne, kabellos.
Er heert die Musigg, awwer nur goanz leicht,
Doch er will, dass die Helene kreischt.

Er dreht’s uff, unn ruft noch: „Scheiße!
Warum is doann der Krom so leise?“
Jetzt gehter zu de Box unn guggt,
Ai is der Scheiße doann kabutt?

Als er direkt denäwer steht,
merkt er, dass die Box net geht.
Er haacht do degeije, als druff unn dewerrer,
doch die Lösung, die leit owwe driwwer.

Weil iwwer de Schlachtkich, do wohnt noch en Moann,
der des grad alles net glaawe koann.
Doann der Kerl unn des is jetzt bleed,
Kerzegroad in soim Bettsche steht.

Er guggt noch verschloofe uff sein Tacho,
do leeft doch „Atemlos“ mit voll Karacho?
Unsern Metzger hoatt doann de Fehler gefunne,
denn er hoat sich mit de Bix vun soim Mieter verbunne.

Unn oans wisst ehr all, des is doch klar,
liewer mit de Bix verbunne als mit em Mieter soine Fraa.

***

Woann mer sich trifft um tierisch oan zu mache,
bassiern jo meist die dollste Sache.
So auch geschehn bei bestem Sunneschoi.,
kümmert mer sich um e Fass Äbbelwoi.

En goanze Stall Mädscher, all stark am Glas,
gewwe hier mol rischdisch Gas.
Unn weil so schee Wetter is do draus,
hocke se sich in de Gaade raus.

Koaner sunst im Haus, sturmfreie Bude,
„Ihr Mädscher, Prost, heit werd en Guude!
Denkt dro, falls ihr misst mol pisse:
Im Keller is de Klo, des misst ihr wisse.“

***

Die Gastgeberin stimmt ihr Mädscher ein,
s`klingt fast wie en Gesangsverein.
Gesunge, getrunke unn alsemol gepisst,
ich brauch euch nix verzehle, ihr wisst jo wies is.

Äppler aus Oamern unn Steaks vom Grill,
Do macht moancher Moue doch groad was er will.
Unn so kimmts, dass zu späte Stunne,
net nur Saasch de weg ins Klo gefunne.

Weil wie des bei manche halt so is,
fliegt in de Klo neber de Schiss,
aa mol Feuchttuch, Kotze unn OB,
fer de Kanal is des net schee.

Unn so hat als die Mädscher feiern,
de Klo sich entschiede selwer zu reiern.
Loangsoam füllt sich de Keller mit hellbrauner Brie,
de neie Teppich war zu dem Zeitpunkt längst hie.

Als doann die Nächst wollt uff de Klo,
rifftse die Oannern, „guggt eich des mol oo
eiern Klo geht jo falschrum, woasn Graus,
statt dass mer woas noi macht, spuckt der was raus!“

Unn so hattes unser Mädscher gepackt
Sie hawwe die Heweanlage im Keller geknackt.
Unn als es dann des Ding zerreist,
wurd mit Abwasser de Keller gespeist.

Unser Mädscher fandes net so subber,
vorbei mit Saufe, jetzt stark am Schrubber.
Erst alle Brocke unn dann die Brie,
de scheene Owend, der war hie.

Käm de Hausherr so ins Haus,
gäbs bestimmt net nur Applaus.
Unn drum warn die Mädscher bis noachts um drei,
beim Schlammschiewe aa voll debei.

Unn die Moral von der Geschicht,
neie Teppische soin net gülledicht.
Spaß beiseite, es weiß jeder Aal,
Außer Klopapier unn Abwasser kimmt nix in Kanal.

***

Ehr Leit, des mit dem Spruch verläse,
des war’s jetzt aa schun fast gewäse.
Unn woanns aa dies Joahr annerst war,
hoffentlich fand ihrs wunnerbar.

E paar Worde hob ich awwer noch zu sache,
also macht die Ohrn uff, unn aa eier Aache.
So wie unser Ort feiert, so macht des koans
Unser Kerb is einmalisch, awwer versprecht mer oans!

***

Egal, wos in de nächste Zeid noch so Schlimmes bassiert,
ob der Aff do driwwe nochmol die Amis regiert,
Ob die Corona-Leugner die Idiode,
Sache mache, die soin verbode,

Ob des mit de Maskepflicht so weidergeht,
tud mer den Gefalle unn seid all net bleed.
Verhalded eisch net wie die goanze Schwachmaade,
die netmol im Subbermarkt, ihr Maske troache.

Zeischt de oannern Leit wie mers rischdisch macht,
So gibt’s e schee Kerb, und zwar net nur am Tach.
Es is jetzt genuch vun dem negative Krom,
jetzt werd oaner gezoue, awwer net all in die Kron.

Habt ihr jetzt all en riese Dorscht
Sauft uff die Mädscher unn unser Kerweborsch.
Unser Kerb, die lasse mer uns net nemme,
also ehr Leit, dut eier Gläsjer stemme.

Spruch ohne Musigg, war goanz schee scheiße.
Awwer dodefer jetzt unn aa net zu leise,
Scheiß Corona, leck mich am Arsch
Mer singe zum Schluß, de Kerwemarsch.

Lied: Kerwemarsch

  • Aus der Feder von
    Max Kraus
  • Kerwevadder
    xxx
  • Beivädder
    xxx
  • Kerwewatz
    xxx
  • Schmuddels
    xxx