Kerwespruch 2016

Gude Ihr Leit, wie schaut’s so aus?
Ich grüß‘ Eich all, ich heiß Max Kraus.
Ich soach es jetzt, es is soweit
in Biddelborn is Kerwezeit.

Jetzt wird hier blau-weiß regiert,
mit ner handvoll gelb wird koaliert.
Oa Stimm im Parlament, ja die is schwazz,
Ehr kennt’s Eich denke, es is de Watz.

Apropos Watz, ihr werd Euch entsinne,
aach dieses Amt hat ich mol inne,
meun Bruder konnte mer Vorsjohr in de Saubitt daafe
unn moin Vadder is 85 mi’m schwazze Bändche rumgelaafe.

Doch jetzt als Kerwevadder, des is klar -
bin ich im Ort der Superstar.
Ich bin der Herr der Kerwetage
unn muss glei aach mol ebbes sage:

Miesepeter unn schlääschde Schwätzer,
dumme Beidel unn grandische Hetzer,
die Leit, die sich ständisch iwwer alles beschwern,
die sollte jetzt mol goanz genaa zuheern.

Bis zur Nochkerb - nächste Woch,
verkriecht Ihr Eich in e dunkel Loch.
Orrer macht’s wie unser Kerweborsch hier,
seid gut druf, trinkt als emol e Bier.

Singt Lieder unn kaut Chewing-Gum,
laaft Barfuß uff de Gass erum.
Dut strahle, wie unser Kerwemädscher do,
genießt die Kerb, seid lusdisch unn froh.

Esst Rippsche mit Kraut unn Quetschekuche,
dut unsern gute Kerwewoi versuche.
Unn hoabt Ehr doann mol Roanzereise,
loasst en Forz – awwer bitte leise.

Unn vum Petrus do oawwe, wünsch ich mir goanz doll,
dass jeden Doach die Sunn schoine soll.
Net wie im Friehjor – des war koan Spaß:
koa Sunn, nur kalt unn veel zu naß.

Die Spaschelschdescher machte Tiefseetauche
die Erdbeern warn faul – kaum zu gebrauche.
Aach des oannern Gemies ist abgesoffe,
unser Landwirte hat’s diesmol echt hart getroffe.

Doch jetzt, Ehr Leit, stoßt all mit mir o,
die gut‘ alt‘ Biddelberner Kerb is wirrer do.
De Mussig wink ich – stimmt mit uns ein,
mir singe zusamme: „Kommt Brüder, wir trinken noch ein“

Lied: Kommt Brüder, wir trinken noch ein'

+++

Jetzt Ehr Leit, wo meu Keehl is geeelt,
werrn die beste Geschichte hier erzählt.
Alles is wohr, nix is gelouwe –
vielleicht hier unn da e bissje zurecht gebouwe.

 
Manches es aach e kloa bissje iwwertrewwe,
woas de Spruchschreiwer alles hoat uffgeschrewwe.
Doch oan jeder Geschicht is irgendwas wohr,
unn die erst devo läs ich jetz vor.

An Fastnacht war’s, Helau ehr Leit
märre in de närrisch Zeit.
E Fraa vun hier, die is net doof,
tanzt Polonees im Schützehof.

Sie musst dann plötzlich uff de Klo,
wo der is, des waaß sie jo.
Sie sterzt eneu, will sich groad hocke,
doch do war sie erstmol korz erschrocke.

Denn oam war do e Geschäft geglückt
nur, die Spülung hat er net gedrückt.
Unn der Haufe, der do drin hat geläje,
den kriegste aach net jeden Doach zu säje.

Wie sie noch staunt, hats plumps gemacht,
unn ihr Handy leit märre in dem braune Schacht.
Des Ding hat so dief drin geläje
mer hat es gar net meh gesäje.

Woas sollt sie mache, des war net foi,
unn greift halt mit de Finger noi.
Vun goanz dief unne hat sie’s rausgeschafft -
Ehr kennt mer’s glaawe, des war ekelhaft.

Sie hat’s gereinigt, doch aach nooch e paar Woche
hat des Handy immer noch e bissje geroche.

Die nächst Geschicht – so lauschet nun
hoat aach woas mit nem Klo zu tun.

+++

Im Griene Weg, do wird geschafft wie bleed,
uff jedem Acker baal e Heisje steht.
Unn Eufäll hoan die Leid, ei glaabstes doann,
warum a net – woann mer sichs leiste koann.

So wohnt oaner in rer eins-a Feldrandlage
mit super Weitblick an sonnige Tage.
Unn er hat doann aach e mords Idee,
dass er oa Sach fänd besonders schee.

Wenn er frieh moijends hockt uff seum Dippe,
deed er gern säje, wie die Häsjer hibbe.
Will säje, wie drauße die Blumme sprieße
den herrliche Blick will er genieße.

Unn er is Schlau - denn er waaß,
es gibt do so e Fensterglas,
des is blickdicht vun de Vorderseit,
doch vun hinne kann mer gucke goanz schee weit.

Des Fenster, des war eugebaut,
doch wie er vun drinn uff die Scheibe schaut,
hoat er sofort registriert -
das des Fenster iwwerhaabt net funktioniert.

Er koannt net gugge, wie angepriese,
koa Weitsicht net koannt er genieße,
er sieht koa Wolke, sieht koa Groas,
alles, woas do is, is dunkel Gloas.

Die Zeit verrinnt, es Läwe geht weiter,
er sieht’s gelasse, ist weiterhin heiter.
Bis Woche speeder de Nachbar kimmt gelaafe,
unn seegt: „Sie sollte sich emol en Vorhang kaafe“.

“Warum doann des”, freegt der Moann mim Klo.
Der Nachbar erwidert: “Also, des is so:
wenn ich moijends im Feld meu Rund dun drehe,
muss ich immer säje, wie Sie Ihr Ei dunn läje“.

Do hat er awwer en roode Kopp gekriggt,
unn sich uff de Stell goanz schnell verdrickt.
Er hat doann sofort nachgeschaut -
des Fenster war falsch rum eugebaut.

Ehr Leit, so Sache koann mer fast net glaawe,
doch die Geschicht is genau so verlaafe.
Drum singe mer fer die Handwerker unn all die Schlaue:
schaffe, schaffe, Häusle baue.

Lied: Schaffe, schaffe, Häusle Baue

+++

En gude Schluck Woi hoab ich genumme,
die neegst Geschicht, die koann jetzt kumme.
Oam Sportlerball gibt’s fer die zu ehrende Gäste
Blummestreiß - unn zwar die allerbeste.

En rüstische Rentner hoat soglei gesoat,
ich schwing mich uff meu gut alt Road,
fahr zur Katja, um die tolle
Streißjer moijends abzuholle.

Sibbzeh Streiß Blumme so schee unn feu,
schafft er ins Fahrradkörbsche neu.
Doann radelt er fort mit nem riese Spaß,
düst entlang die Meenzer Gass.

An de Tornhall is er doann ogekumme,
is mit nem riese Schwung vum Road gesprunge,
doann guckt er in seu Körbsche neu -
ei, do warn iwwerhaabt koa Streiß meh’ dreu.

Do kimmt aach oaner schun o’gerennt,
irgend en Fremme, den koan Mensch kennt.
Hält in de Hoand e paar kaputtne Blumme
die hät er vorne oan de Kron gefunne.

Er seegt zum Rentner, gugge se mol do hinne,
do koann mer noch meh vun dem Griehzeisch finne.
Und doann hoat er’s uff de Hauptstrooß gesäje,
alle hunnert Meeder hoat en Strauß geläje.

Do isser awwer losgedüst mit seum Rädsche,
sammelt alles eu zwische de Autos unn uffem Pädsche.
Fährt zur Katja, doch die muss nur noch lache,
als er freegt: „Koann mer do noch was mache?“

Zum Glick hoat die Fraa vum Blummeloade,
mit viel Geschick behowwe den Schoade.
Unn ich tu jetzt hier weiterlese,
woas noch so is im Ort gewese.

+++

Im Tornvereun gibt’s e Seniorengrupp
Hersbstfeuer nennt sich der lustige Trupp!
Im Summer, wenn’s zu warm is fern Hallesport,
doann mache die aach mol nooch auswärts fort.

Letztens gings los um korz vor zwei,
nach Seligenstadt in die Brauerei.
Fuffzeh Männer unn oa Fraa
gucke sich die o, goanz genaa.

Woas war die Führung wunnerschee,
zum Abschluss solls in de Biergaade geh.
Doch vier Kerl unn aach die Trainerin,
musste schnell nochemol wohin.

Uffem stille Örtche wurd wie wild gerabbelt,
unn denooch uffem Klo dumm Zeisch gebabbelt.
Sie hoann sich beim Schwätze in Geschischde verärrt
unn als se raus wollte, war alles zugesperrt.

Vum Rest vun de Bande war nix meh zu säje,
die henn schun längst im Biergaade geläje.
Dass die Hälft gefehlt hoat samt Trainerin,
kam dene oannern iwwerhabt net in de Sinn.

Oa Glick hat oaner e Handy debei,
wählt acht, zwo, vier unn dreimol die drei.
So henn se de Brau-Meister kumme loasse,
der hoat die Deern doann wirrer uffgeschlosse.

Im Biergaade winke die oannern, die esse groad e Worscht,
„Ei, kummt hockt Eich bei – gell, Ihr hoabt Dorscht?“
Drum singe mer fer die Rentner vum Tornverein hier,
des Lied vun Hawaii unn aach vun Bier.

Lied: Es gibt kein Bier auf Hawaii

En alde Klaarerschroank, so groß unn braad
is fer de Grobmüll veel zu schaad.
Drum dut die Fraa zu ihrm Gatte soache
den kennt mer doch runner in de Keller troache.

Ei jo, seegt der, des is e toll Idee,
ratz fatz dut des Ding e Stockwerk diefer steh.
Doch weil der Schroank so e bissje dut rische,
will die Fraa ihn erstmol sauwer wische.

Sie schrubbt unn macht, dut uffem Borrem laije,
des Ding vun Staab unn Gestank befreie.
Unn unne in de Eck do seun noch Spinnewäwe dreu,
drum kriecht sie in den Schrank eneu.

So dut se in dem Kaste hocke
do gibt’s e Geräusch, sie is mächtig erschrocke.
Jetzt folgt e quitsche unn uff oamal im Nu
gibt’s en Schloach unn die Schrankdeer war zu.

Stockdunkel isses jetzt geworrn,
die Fraa, die is leicht panisch geworn.
Denn mit großem Bedauern stellt sie fest,
dass der Schrank sich vun inne net öffne lässt.

Sie denkt sich schun, des war’s gewese,
sie misst jetzt langsam in dem Schrank verwese.
Doch oa Glick wars noch net so weit,
drei Stunn speerer hoat ihrn Moann sie befreit.

+++

In de Tabelle erfolgreich unn ganz weit vorn,
seun die Fußballspieler aus Biddelborn.
So auch die Buwe vun de A-Juniorn,
die hatte in de Rund meh‘ gewunne als verlorn.

Nach em letzte Spiel wollte sie es dann wisse,
wollte aach mol wie die Große pisse.
Hielte parat – ganz nach Bayern-Manier
en riese große Humbe Bier.

Sie nahme den Trainer in die Mitte,
um ihm den Stiefel iwwerzuschitte.
Oolaaf genumme unn triholdrio,
do war de Coach aach schun K.O.

Denn verloasse hat oan Spieler die Kraft,
er verliert den Humbe samt Gerstesaft.
Er knallt dem Trainer uff seu Stirn,
unn schun strömts Blut ihm aus em Hirn.

E Platzwund so groß wie e Scheierdoor
de Rettungswaache fährt glei vor.
uffem Mittelkreis, wie alles um ihn rum steht
wurd ihm des Kopploch zugeneeht.

So fand die Feier an dem Wochenende
ungeplant ein jähes Ende.
Weiter geht’s mim nächste Fall
unn schun wirrer dreht sich‘s um de Ball.

+++

Wenn die Eintracht am Samstag owend dut speele,
unn sich gleichzeitig die Handballer in de Sporthall queele,
do muss sich en multible Fan entscheide,
wo er sich dut die Zeit vertreibe.

Er hat sich entschiede, ins Stadion zu geh
denn die Handballer, die gewinne doch eh.
Unn nach dem Kick, wollt er doann soglei
in die Sporthall uff e Bier vorbei.

Die Euntracht hat gewunne – un er is in die Sporthall gedabbt,
do is ihm die Kinnlaad goanz weit runner klappt.
Die „Erst“ hat verloren, unn des ganz schee klar,
gut, dass er bei de Euntracht unn net beim Handball war.

21 zu 34 hat er uff de Oozeisch gelese,
do isser awwer bees gewese.
Kappe wärn’s, schimpft er sich vun de Seele
die sollte neegst Johr liewer C-Klass speele.

Bis oaner seegt „Woas reegst Du dich so uff?“
„Ei guck doch mol uff des Ergebnis druff -
so e Klatsch – unn des gäje de letze vun de Tabell
so was verarbeit ich halt net so schnell“

Doann guckt er nochmal oan die Wand,
wo des schlimme Ergebnis stand.
Do wurd ihm, Ehr Leit, uff oamol klar,
dass des net de Spielstand, sondern die Uhrzeit war.

Es Lache hoat er jetzt wirrer gefunne
denn die Mannschaft hat nadierlich gewunne.
Drum wink ich de Kapell, speelt mit Trompete unn Gong
den gute, alte Biddelberner Handball-Song

Lied: Schiefe Absätz unn in jedem Strump e Loch

Junge Männer glänze gern unn viel
mit nem schicke unn dicke Automobil.
Unn is de Auspuff aach noch doppelt so groß,
doann seun se de King uff jeder Strooß.

So wurd mir letzt e Geschicht erzeelt,
vun oam, der auswärts Handball speelt.
Seune Handball-Kamerade zeigt er seu Geschoss
mit dem Mercedes Benz is er hier de Boss.

Er seegt zu de Jungs „Wollt ihr mol säje,
wie sich bei mir die Schlabbe dräje“
Er steigt eneu, in seun Kann,
unn macht aach schun de Motor an.

Er gibt Vollgas, dass die Strooß dut raache,
die Leit, die reiwe sich die Aache.
Die Reife quitsche, es Gummi stinkt,
als er goanz fröhlich seune Kumpels winkt.

Doann hat er die Handbrems losgeloasse,
der Benz, der is noch vorn geschosse.
Doch doann erst hat er es geseh‘n,
dass um ihn rum noch annern Autos stehn.

Er denkt sich groad noch, oi oi oi
woas jetzt glei kimmt, des werd net foi.
Es gibt en Schloach, du werst verrickt,
drei Autos warn jetzt platt gedrickt.

Seu Kumpels spende ihm Applaus,
als er steigt aus seum Kann enaus.
Dumm gelaufe, koann mer wohl soache,
es gibt im Läwe halt so Doache...

+++

Wer es net glaabt, der ärrt sich,
es geht um des Haus mit de vierunnvärrzisch.
En kloane Hund, der hats geschafft,
der hielt uff Trapp die Nachbarschaft.

Der hat gebellt unn Rabatz gemacht,
mädde in de Noacht - all seun se uffgewacht.
Die Nachbarn klingele – doch koaner macht uff
de Hund gauzt weiter – springt oan de Deer enuff.

Unn weil des Auto vun dere Bewohnerin,
stand mitte in der Eufahrt drin,
henn die Nachbarn des sofort kapiert -
in der Wohnung, do is e Verbreche passiert.

Sie löse aus en Groß-Alamm,
alles kam oo mit veel Tamm-Tamm.
Die Feuerwehr mit Tatü-Tata,
es Rote Kreuz war auch bald da.

Die Polizei, die kam mit Schuh unn Strümpf,
unn des moijends, korz vor halb fünf.
Die Wohnung wurd gestürmt, doch gefunne henn se nix,
außer de Hund unn e Unnerbix.

Koaner war dehoam, do war ihne klar.
dass des wohl en Fehlalarm war.
Uff oamol steht e Fraa in ihrer Mitte,
unn seegt: „Äh, Hallo? Entschuldigen Sie bitte?“.

Do ist die Mieterin groad hoamgekumme,
ihr Tochter hat sie mitgenumme,
sie hatte doch oafach nur in dieser Nacht
es Enkelsche zum Flughafe gebracht.

Die Nachbarn machte alles rischdisch
sie warn uffmerksam unn des is wischdisch!
Stellt Eich vor, es wär werklich woas bassiert,
unn koaner vun de Leit hätt’s interessiert.

Deshalb liewer emol zu veel hie gucke,
als de Kopp euzuziehe unn weg zu ducke
Zivilcourage, des brauche mir all
unn ich kumm jetzt hier zum nächste Fall.

+++

Mir Kerweborsch dun uns beizeite,
intensiv uff die Kerb vorbereite.
Sitzunge mache mir hier im Ort
unn oamol geht’s nach auswärts fort.

In rer Gerer Wertschaft hatte mir uns ogemeldt,
fer 20 Uhr de große Saal bestellt.
Dort ookumme hoan mer uns erst mol erschreckt,
fer uns war ganz ordentlich eugedeckt.

Doann wollte mer de erste Lidder ho –
doch so große Gläser hatte die net do.
Na super, is halt oaner hoamgerollt
unn schnell noch vier, fünf Humbe gehollt.

Doann hoann mer es erste Liedsche gesunge,
do kimmt die Bedienung awwer ogesprunge,
„Ehr Buwe, des mit dem singe, des geht so net,
die Leit in Gere, die wolle frieh ins Bett.“

Do hoan mer die Lautstärk erunner gekurbelt,
unn im Flüsterton die Liedscher gemurmelt.
Die Bedienung seegt doann um korz nooch zähje,
„So langsam kennt ihr Eich mol hoam bewäje“.

Ehr Leit, Ehr leit, woas is des e Gäjend,
koa Wunner, dass es dort immer räjend.
Do seun mer wirrer hoam – zum Holger in de Scherm
dort warn mer Willkommen – hier hat mer uns gern.

Mer wisse jo net, wie des die Gerer so mache.
Doch mer, mer dunn trinke, singe unn veel lache.
Drum trällern mir jetzt oans vun de schennste Lieder
die Kerweborsch seun lust‘sche Brüder.

Lied: Kerweborsch seun lust’sche Brüder

In Büttelborn unn im Gerauer Land,
is oaner fer seun Reife-Wechsel-Service bekannt.
Zwaa mol im Johr macht er fer die Leit vun do
die oane Reife ab unn die oannern wirrer dro.

Als Zeitersparnis schaffte er sich dann,
en Schlagschrauber mit Kompressor an.
Doch dies Johr gab der koan Muchs mehr vun sich –
des Ding war hinüber – wie fürchterlich.

Die Ufftragsbücher warn voll bis zum Rand,
do isser awwer schnell in de Baumarkt gerannt.
Mit nem neije Kompressor is er hoamgeschosse,
des Ding hat er glei oogeschlosse.

De Stecker in die Steckdoos, de Schalter umgelegt,
doch nix is bassiert – koa Lüftche hat geweht.
Der zweite Kompressor war wohl aach hinüber,
er flucht unn winkt zu seum Monteur hinüber.

Er segt: „Die Abberaate seun net zu gebrauche,
mer misse wie frieher vun Hand rumschrauwe.
Guck doch mol in dem Schuppe ganz hinne,
do werste irgendwo es Wagenkreuz finne.“

Doch der Monteuer ruft zurück „Ich seh es nicht -
denn in dem Schuppe, do geht koa Licht.“
Und schreit doann noch zu ihm rüber
„Ich glaab, deu Kompressorn - die seun gar net hinüber“

Ich koann Eich soache, des is net gelouwe
do war oafach nur die Sicherung enaus geflouwe.
Der goanze Zennower, des is gewiss
is nur bassiert, weil koan Saft uff de Steckdoos is.

+++

Wie schee, uff unser Gymnastikfraue,
koann mer im Spruch hier stets vertraue.
Ach dies Johr koann ich stolz verlese,
woas bei de Mädscher is gewese.

Die Hüttefahrt in diesem Jahr,
ging an die Mosel - wie wunnerbar.
Hoamzus seun se wie immer gefaan,
zweite Klass mit de Eisenbahn.

Dort musst oans vun de Mädscher emo
ganz asch dringend uff de Klo.
Sie queelt sich im Zug dorch die Gänge
unn dut sich in de Klo neuzwänge.

Die Hos, die hing schun in de Knie
do guckt se goanz genaa mol hie.
Sieht, dass die Klobrill nicht sauber ist
do hat wohl oaner druff gepisst.

Drum dut sie e Sticksche Papier benutze
um die Klobrill abzubutze.
Sie hoat sich ganz dief nach unne gebickt,  
do hat‘s an de Deer uff oamol geklickt.

Jetzt kimmt rers in de Kopp geschosse
hab ich iwwerhaabt hier abgeschlosse?
Nein hat sie nicht, die Tür geht uff,
en Moann steht do, reißt die Aache uff.

Sieht vor sich nur en große Mond,
der direkt vor seine Aache thront.
Zum Glück hat die Fraa den Reflex unnerdrückt,
sunst wär rer noch en kloane Bumbes abgerückt.

Der Moann, der hoat sich, uugelouwe,
ganz schnell wirrer zurick gezouwe.
Und die Moral von der Geschicht:
vergesst uffem Klo es abschließe nicht.

+++

In Nierstoa gibt es gude Woi,
unn der muss in de Hals eneu.
Des dacht sich e Grupp, die wie jedes Jahr
linksrhoinisch uffem Woifest war.

Spät owends gings mit beschwingtem Schritt,
ganz schnell zur letzten Fähr zurick.
E paar warn schun e bissje am Wanke
doch sie schaffe sich ordenlich dorch die Schranke.

Oaner brüllt noch, seu Fraa wär net do,
unn hängt sich an die Schranke dro.
Doch aach sie is doann glei eugetroffe,
fehlt noch oaner – der kimmt groad ogeschosse.

Mache wollt er‘s, wie de James Bond,
mit nem Woigloas in de linke Hoand,
hat er rischdisch Oolaaf genumme,
unn sich ganz elegant iwwer e Stahlseil geschwunge.

Doch er war net mehr goanz Herr seiner Sinne,
dut mit nem riese Schloach unnerm Seil verschwinne.
Er bricht sich die Noas, verfällt sich die Schnut,
die Hänn zerschnidde, woas hat des geblut.

Noch uffem Schiff hoann sie ihn zusamme geflickt,
hoann die Knoche wirrer an die rischdisch Stell gerickt.
Doann is aach glei de Krankewaache kumme,
unn hat den arme Kerl mitgenumme.

Woas e Glick is alles wirrer zurecht gemacht,
unn nochher uffem Hoamweg, gibst de e bissje besser acht.
Mir singe jetzt für Dich ganz allein
mit Kornblumenblau - e schee Lied vum Wein.

Lied: Kornblumenblau

Überlegt mol korz, wo Ihr hier seid:
In de ältest Wertschaft weit unn breit.
Seit 140 Johr steht hier schon die Kron‘
erlebt hoat die en Haufe schon.

Schun 1890 so koannt mer lese,
war Kappesitzung vum Tornverein hier gewese,
unzählische Kerwe hoat mer hier gefeiert
unn genauso oft de Kerwespruch runnergeleiert.

Mer seegt Kullmanns orrer aach Schlappe,
manche dunn aach in Behres dabbe,
mer war bei de Maria zwaa halwe Hinkel holle,
de verrickte Heidel, des war en Dolle.

Es gab de Wagemann unn die Rote Henne,
beim Dietmar kunnt mer in de Pension hier penne.
De Hoiner, der hoat bömisch gekocht,
die Maggit, die hoan mer all gemocht.

En Jugo wollt e Retaurant draus mache,
mit Paul unn Renate, do koannt mer veel lache.
Beim Adnan do gab’s zum erste mol Döner -
beim Theo warn die Schnitzel schöner.

Die Afro unn de Chris seun dann gekumme,
de Thomas hat sich e bissje iwwernumme.
Unn heit oan Kerb, sinn mer all froh,
steht gut gelaunt de Theo wirrer do.

Doch vielleicht is des dies Johr die letzt Kerb do heu,
ich glaab, loang is hier koa Wertschaft me dreu.
Es bissje Hoffnung hab ich, Ehr liewe Leit,
denn noch isses jo noch net so weit.

Ich bitte oafoch den Besitzer vun dem Haus
defer zu soije, dass hier nie die Lichter geh’n aus.
Sunst wär e Lebensader aus unserm Ort
fer alle Zeit – fer immer fort.

+++

En Kerwespruch, Ehr kennts Eich denke,
geht irgenwoann emol zu Ende.
Doch so goanz is es des noch net gewese -
oaner hätt ich noch vorzulese.

In rer Schloofstubb hier in dieser Strooß,
do war letztens mords was los.
Die Fraa wacht uff, mädde in de Nacht,
weil e Geräusch im Raum ihr Soje macht.

So weckt sie glei ihrn liebe Moann,
„Ei lieb Fraa, woas willste doann?“
„Hier drin zirpt e Grill, heerst Du des aa?
Des is net nur oa – ich glaab, des seun zwaa!“

Do seun se awwer hochgeschreckt,
enaus gehippt aus em Bett,
sie gucke in de Schränk unn in alle Ecke -
wo dut des Viehzeisch doann nur stecke?

Die Möbel wern hin unn her gerickt,
doch do is koa Grill – do wersde verrickt.
Die goanz Stubb wird ausenoanner genumme,
so veel se aach suche – sie henn nix gefunne.

Am nächste Moijend seun se net gescheider,
die dämlich Grill, die zirpt als weider.
Doch zufällig kimmt, wie solls annersd seu,
an dem Moijend en Monteur ins Haus eneu.

Sie erzähle ihm von der schlimmen Nacht,
wie sie wurde um de Schlaf gebracht.
Er seegt: „Bleibt ruhig unn wartet mo -
ich guck mir die Sache jetzt mol o.“

So ist er schnell in de Schloofstubb verschwunne,
korz druff isser wirrer enaus gekumme.
Er hoat gegrinst unn laut gelacht
des Geräusch hat er zum Verstumme gebracht.

Warum er so lacht, henn die Leit ihn gefreegt
der Monteuer doann zu dene zwaa seegt:
„Des is koa Grill – jetzt horscht gut her
des ist de Rauchmelder – do is die Badderie baal leer.“

+++

Es is schun e Ding, woas die Biddelberner so mache,
nur damit ses in de Kerwespruch schaffe.
Do wärrn große Beem nur halb gefällt,
bis oaner doann die Feierwehr hellt.

En oannern hat gemoant, die Gasleitung wär gebroche,
dodebei hat oafach nur e Kisse streng geroche.
Zwaa TVler sollte die Schilder oam Ortseugang dräje,
henn se a gemoacht – die Buchstaawe hoann uffem Kopp geläje.

Ner Fraa aus em Ort ging letztens de Stift,
sie hat Blummewasser getrunke und gemoant, sie wär vergift.
Unn en oannern hat mim Schlepper fünf Autos demoliert,
dass der noch voll war, hat die Polizei net kapiert.

Ihr seht, es gab noch asch veel meh‘ Geschischde
vun der ich Eich heit kennt berichte.
Material hatte mer, meh‘ als wie genuch
des hätt geloangt fer en zweite Kerwespruch.

Ich lad Euch jetzt ein, all Ihr Leit,
singt unn doanzt in de Tornhall heit.
Macht schee Umsatz, gebt die Kreizer aus
unn geht erst moije frieh nach Haus.

Kummt uff de Frieschoppe, dut Traditione erhalte,
des gilt fer die Junge unn aach fer die Alde.
Unn die Nachkerb erstrahlt in bayerischem Glanze,
do kennt ihr neegst Woch de Schuhplattler danze.

Jetzt kimmt des, woas kumme muss,
oan Vers noch - unn doann is Schluss:

Hoch die Liebe, hoch der Wein,
die Biddelberner Kerb soll unser sein.
Macht die Meiler weit uff, aus de Kehle solls erklinge
loasst uns zusamme de Kerwemarsch singe.

Lied: Kerwemarsch

  • Aus der Feder von
    Mirko Bott
  • Kerwevadder
    Max Kraus
  • Beivädder
    Maxi Langendorf, Denis Barthel
  • Kerwewatz
    Leon Müller
  • Schmuddels
    keine