Kerwespruch 2018

Griezi unn Gude ehr liewe Leit,
s‘endlich wirrer Kerwezeit.
Jetzt spitzt die Lauscher unn basst schee uff,
moin Name is Sebastian Ruff.

Wer mich net kennt, ich stell mich korz vor
ich speel bei de Zwott, awwer net im Tor.
Im Ort wohn ich schun - e goanz loang Zeid,
unn des - mit Unterbrechunge - bis heit.

In de letzte zwo dreiviertel Jahrn,
do bin ich veel erumgefahrn,
Geschafft hob ich aa, in nem Schweizer-Hotel,
Doch do ging mer alles, e bissje zu schnell.

Ich hobs gemerkt, als ich war fort,
am schennste isses, hier im Ort.
Woann isch de Kerschtorm e paar Woche net seh,
do merk ich, dass ich baal dorschdreh

In de Schweiz, do wars zwar aa goanz nett,
doch so wie die schwätze, do werste jo depp.
Do isses aa, net so schee wie hier,
die ham zu viel Kees unn net so gut Bier.

Veel deirer isses do noch dezu,
do hoab ich gedenkt, ach losst mer moi Ruh.
Ich wollt do weg, ich wollt nur hoam
Die Koffer ins Audo, unn losgefoahrn.

Seit letzt Joahr soin isch wirrer do,
ehr kennt mers glaawe, woas soin isch so froh.
Unn jetz lieje vor uns, keine Fraache,
im Joahr, die allerschennste Taache.

Also ehr Leit, lasst eisch net lumbe,
kommt in die Tornhall unn trinkt e paar Humbe,
Doanzt zu de Musigg, awwer schee im Takt
Unn geht in die Sektbar, aa wenn ehr versackt.

+++

Als Kerwevadder, unn des is bekoannt
hoab ich im Ort, es höchste Oamt.
Des is veel Erwet, awwer aa veel Spaß,
denn mer kenne schee feiern,un des uff de Gass.

Woann oans mich freegt, Ruff horschmol zu,
wo driggt dir als Vadder, doann doin Schuh?
Doann koann ich soache, ich bin ganz entspannt,
denn die junge Buwe, die lerne rasant.

Iwwer verrzisch Kerweborsch,
die singe, lache unn all hoann se Dorscht.
Awwer oans, unn des is aa goanz klar,
es is nemmer alles so, wies frieher mol war.

Drum lebt net in de Vergongeheit,
Meckert net rum, seid lieb zu de Leit.
Vor allem zu de Borsch mit de blaue Scherp,
weil ohne die Buwe, do gäbs koa Kerb.

Seid all froh, es is schee zu seh,
dass die Kerb in Biddelborn, werd nie unnergeh.
Denn im Vergleich zu annern Orte,
mache mer hier, net so viel Worte.

Die Kerb, die steht oan erster Stell,
unn ich wink de Musigg, awwer schnell.
Denn mer singe oans vun de schennste Lieder
Die Kerweborsch, seun lusdsche Brüder.

Lied: Kerweborsch seun lusdsche Brüder

Ich hob moi Keehl jetzd gud geelt,
drum werd die erst Story, jetzt verzeehlt.
E Familiegeschischd, wos is des fein,
Die soin all Mitglied, im Turnverein.

Jed Joahr uffs neije, im August
Vergesse die Eldern, all ihrn Frust.
Sie soin entspannt unn hoan koa Sorsche,
Denge aa, noch net an morsche.

Warums dene gut geht, ai die Kinner soin fort,
Wurde abgeschowe, an en bessere Ort.
Wo die bloß soin, Ehr wissts all genau,
die soin uff Zeltlager, und des mim TV.

Unsern Familievadder der dud sich schun fraan,
Am Freitag die Dochter ins Buut Camp gefahrn,
doann schnell wirrer hoam - es war korz vor vier,
ab an de Kiiehlschronk, unn erstmol drei Bier.

Die Jungs oogerufe, es is wirrer Zeit
Mer mache heit oaner, unn ab in die Kneip.
Do isser goanz schnell losgerennt,
Unn hat mit seine Jungs, schee oaner gebrennt.

Soi Fraa die is aa fort, wos hot der e Glick,
die is mit ihrne Mädscher uffm Musical-Stigg.
Des Suffgelage ging doann schnell vorbei,
die Hausdeer uff, do wars Noachts halwer drei.

So en Suff ehr Leit, ich koanns eisch soache
der macht’n goanz schee, leere Moache.
Do denkt sich unsern liewe Mann,
ob ich noch e paar Aajer bagge kann?

Die Aajer gekleppert, des Eel in die Pann,
Noch e bissje Salz, unn Peffer dran.
Doch pleetzlich meldet sich, zum Wohl
Unsern Freund, de Alkohol.

Der sacht unserm Kerl, wie mied bist doann du?
Legst dich besser, mol zur Ruh.
Die Herdplatt, volle pulle oo,
des Eel des brennt glei lichterloh.

Ehr kennt mers glaawe, es war ganz schee knapp
der Kerl hot mee Glick, als Verstand gehatt.
Bevor des Feier hot bei dene alles verschlunge,
do is de Fraa, die Hausdeer noikumme.

Sie löschts Feier schnell, es is nix passiert
Es war nur viel Raach unn die Poann is krepiert.
Wos e Glick war des Kind auswärts gewäse,
unn mer kenne die Geschischd im Spruch verläse.

Der Kerl war oofach veel zu breit,
drum merkt eich oans, ihr liewe Leit:
Wenn ehr zu voll seid, lasst die Finger weg
vun de Herdplatt unn eierm Grillbesteck.

+++

Ich mach jetzt aa weider, drum macht koan Krach
In de nächst Geschischd, do geht’s ums Dach

Wie des so is, in diese Taache,
stelle sich jüngere Leit die Frache,
Wie krieg ich Likes von viele Leit,
ich hab noch nix geposted heit.

Do muss mer schun, was besondres mache
unn net nur bleed in die Kamera lache.
Drei Junge Handballer vum T.V.,
fraachte sich, wie macht mer des genau?

Zusammegehockt unn en Plan geschmied,
die ganz Noacht getüftelt, was warn die drei mied.
Doch sie hawwes gepackt, sie hawwe en Plan,
Dodefer misse se nur, bis Weiderschd fahrn.

E groß Möbelhaus, des war ihr Ziel
Do kennt mer Fodos schieße, und zwar viel.
Medde in de Noacht soinn se hie gebrummt,
un henn debei noch e Liedsche gesummt.

Alle schlofe unn koaner is wach,
Auf geht’s Männer, mer mache uffs Dach.
Es wurd glei fleißisch foddografiert,
unn unner Blitzlicht, schee posiert.

Ach was e Aussicht sie fühle sich frei,
wie kennts Läwe schenner sei?
De oane segt, horscht do mol härr,
wo kimmt doann do, die Musigg her?

Woas doann fer Musigg, ai bist du schun blau?
Des soin doch Sirene, des hör ich genau.
Sie krieje Schiss unn es dreht sich im Darm,
denn der Möbelgigant hot en stille Alarm.

Groad äwe fühlde se sich noch so frei,
doch jetzt kimmt schun, die Polizei.
Die Buwe die warn goanz schnell unne,
do wurde se, aa glei gefunne.

Mer klettert net, uff e fremd Haus,
jetzt holle se mol, die Ausweise raus.
So e kostenlos Taxi, des is net verkehrt,
bleed is nur, woanns zu de Eltern fährt.

Des goab en Ooschiss, es tut rischdisch knalle,
bis dene Buwe, baal die Ohrn abfalle.
Die nächste zwaa Monat, ach wos en Graus,
durfte die Konsorte, netmeh ausm Haus.

Oan Vorteil hots wenn mer is dehoam,
Mer muss net fer e Fodo, bis nach Weiderstadt foahrn.
Weider im Text, denn de Babba-Ruff,
hoat uff soim Zeddel, noch Geschischdscher druff.

Doch wartet korz, halt de Gaul mol Still
Weil ich jetzt noch wos, tringe will.
Währendesse, singt ehr Leit
Ein Prosit, der Gemütlichkeit.

Lied: Ein Prosit der Gemütlichkeit

Woann die Sunn schee schoint, unn es Werrer is foi
Do gibs veel Leit, die fahrn an de Rhoi.
Annern Leit hogge nur dehoam
Wolle bloß net weider, als Bergoff fahrn

De Ventilator unn de Fernseh oo,
es gibt veel Leit, die macht sowas froh.
Nur uff de Couch, unn net emol raus
Des is fer e Biddelberner Mädsche, en riese Graus.

Desweje isse schun viel gereist,
War iwwerall unn hat Spezialitäte verspeist.
Jetzt wo unser Mädsche is wirrer hier,
do leit se net rum, wie e faul Tier.

Koaner dehoam, sinn all oikaafe,
Ai da geh ich doch grad, e Ründsche laafe.
Die Jogginghos oo unn die Schuh gebunne,
Doch koan Platz, fer de Schlüsselbund gefunne.

Der stört nur beim Laafe, koa Dasche in de Hos
Mol nochdenge, was mach ich do bloß?
De Schlissel schmeiß ich in de Briefkaste eneu,
Do bin ich speerer, schneller droi.

Ehr merkts, in de Schul hoat se net gepennt
Unn is doann aa, glei losgerennt.
Iwwer Buffze, Dornem unn Steere aa
Do rennt se lang, unser jung Fraa.

Noach Zwaa stunn, do isse nassgeschwitzt,
wie des so is, bei dere gaschdisch Hitz.
Sie kimmt dehoam oo, hat Dorscht wie en Fisch,
Doch macht se glei e bleed Gesicht.

Ihrn superschlaue Geistesblitz,
entpuppt sich glei, als Satz mit X.
Denn die Hausdeer die is abgeschlosse
Unn de Briefkasdeschlissel, denn hot so droi gelosse.

Fer die meiste Leit, isses net so gut,
Woann mer net nochdenkt, bevor mer was tut.
De Beweis dodefer wird in de nächst Geschischd erbracht,
Denn do hot so en Kerl, aa net gedacht.

+++

Beim Tornverein gibt’s jed Jahr,
Veel zu feiern, des is klar
Doch net nur an Kerb, werd gelacht unn gesunge,
Es gibt aa noch annern Veranstaltunge.

Auch an Ostern, am Karfreitach wars
Do hatte die Handballer, en große Spaß
Es gab gud Esse unn aa reichlich Sprit,
Do dachte sich zwaa, do mache mer mit.

De oane schun älder, de annern en Junge,
Do honn sich zwaa Generatione gefunne.
Sie verstehn sich gut, sie lache und trinke
unn dunn im Handball-Fachjargon versinke.

Am späte Owend, koaner konnt meh groad steh,
Ich glaab es wär besser, wenn mer zamme hoamgeh.
Uffm Rückweg, als wär es heit noch net genuch,
schwätze se immernoch, wie e Handball-Lehrbuch.

Sie kumme doann, bei der Frache an,
wer vun dene zwaa, besser werfe kann.
En Ball goabs koaner, es wurd improvisiert,
unn schnell e paar Eier organisiert.

Gradaus schmeiße, des könne hier alle,
Mer brauche e Ziel, wo mer die Eier druffknalle.
Do hinne, do wo die Deer uff steht,
wo mer zu fremme Leit, in de Wintergaade geht.

Guck schee zu du Alder Mann,
woas ich als Bub, so gut werfe kann.
Sie werfe abwechselnd, uff des Haus do druff,
Unn hörn so schnell, demit aa net uff.

Die goanze Scheibe henn se vollgeschmisse,
Es Haus sah aus, wie vollgeschisse.
Die Anwohner warn net werklich begeistert,
Un henn glei Beschwerde, uff Papier gekleistert.

Mer hot schnell rausgefunne wer die zwoo warn,
Die durfte am nächste Tag zu de Anwohner fahrn.
Sie henn sich geschämt, nur uff de Borrem geguggt,
Unn doann zwaa Stunn die Scheibe geschrubbt.

Jeder von uns tut doch mol Scheißdreck baue,
awwer sollt mer sich doann wenigstens traue,
Selbst defür doann grad zu steh
unn zu de Leit doann hiezugeh.

Moanschmol macht mer halt so dumme Sache,
unn dut am End, doch driwwer lache.
Hier wird jetzt, noch mehr verlese,
Wos sonst so is im Ort gewese.

+++

In jedem Joahr, wie solls anners geh,
Muss unser Feierwehr im Spruch droi steh.
Die fleißische Männer aus unserm Ort,
mussde noachts zum Oisatz fort.

Schnell uff die Wach unn de Kiddel an,
momend emo – do fehld oan Mann!
Es bleibt koa Zeit, sie misse los
Unn soin a ruckzuck uff de Strooß.

Raus ausm Ort unn ins Feld enoi,
denn do soll, de Notfall soi.
Doch gefunne honn se do hinne nix,
Ausser e Plasdigdutt unn e leer Bix.

„Moment“ rieft oaner, guckt woas ich seh,
Do hinne, do steht en PKW.
Der hot koa Licht oo unn steht do so rum
Unn unser Feierwehr, die is net dumm.

Die fahrn glei do hie unn gugge wos is
Unn henn sich vor Lache baal die Hos vollgepisst
De fehlende Moann ehr glaabt es net,
Hot do soin Kopp ausm Fenster gestreckt.

De Kopp wurd glei rot, er hot sich blamiert,
denn er hot grad im Audo, e Mäusje paniert.
Bei allem Spass, denn der geheert dezu,
Vergesst mer oans net, ehr Leit horscht schee zu:

Ohne unser Feierwehr,
wär hier vieles net wies wär.
Ihr seid immer do unn heit zu Doache,
Sollte mer efters „Doange“ soache.

Drum singer mer nur eich zu Ehr,
Tatü Tata, die Feierwehr.

Lied: Tatü Tata

+++

Im Ort gibt’s Leit unn des is schee,
die wolle jed Joahr im Spruch droi steh.
Die Familie iwwer die ich hier sprech,
die hoann schon öfter goanz veel Pech.

Vor zwaa Johr in Trewwer, nur weje de Angeberei,
brummt der oa soim kollesch ins Audo neu.
Diesjohr hoats soin Bruder in de Spruch geschafft,
und des nur, weil der so gar nix rafft.

Woas hoat der geschafft, was macht der dann?
Ich erzähls eisch jetzt, vun Anfang an.
Der junge Kerl, der is sehr still,
Weil er nix groß verzeehle will.

Tut aa koam Mensch woas beeses oo,
als liewer junger Moann macht mer des so.
Im Summer wars, ai des is saustark,
es geht mit Kumpels, in de Europark.

Doch bevor er sich ins Audo scheelt,
merkt er doch, dass em was fehlt.
Mudder, seegt er, wo is moi Dasch,
Do kimmts Esse noi und die Wasserflasch.

Des fällder frieh oi, ich muss emol schaue,
Wo du doi Sache koannst verstaue.
En alde Rucksack hot se do noch gefunne,
den hot doin Bruder, frieher fer die Schul genumme.

Die Sache do noi unn uff de Buggel geschnallt,
und mim Audo schnell bis nach Rust geknallt.
Die Schlange war korz, es war net viel los,
Doch in so em Park, schreibt mer Sicherheit groß.

Woas is doann in dem Rucksack droi?
Nur zwaa Weck unn e Flasch Äbbelwoi.
Des hat sich unsern Stille zumindest gedacht
Un hat korz druff, netmeh werklich gelacht.

Die Security guggt in de Rucksack noi
Unn was se finne, is so gar net so foi.
Junger Mann, du bist jetzt dro,
Fer woas brauchste doann den Schlagring do?

Es Herz in die Hos, er hot rischdisch Schiss
unn seegt dass des der vun soim Bruder is.
Wers glaabt werd seelisch, ich kennt grad laut lache,
die Polizei wird jetzt gugge, wosse mit dir mache.

So e Geschischd is koan kloane Delikt,
er wird glei belehrt und unsern junge Kerl nickt,
Er sacht de Poliziste unn des is wahr,
dass soin Bruder son schlimme Finger war.

Die Eltern oogerufe, horscht zu aber gut,
Ihrn Junior steht hier, so kloa mit Hut.
Der Krom wurd dann zum Glick geklärt,
sodass unsern Bub heit noch Achterbahn fährt.

Gelernt hot er woas wischdsches draus,
En fremme Rucksack, den leert mer erst aus.
Vun soim Bruder nimmter nix meh, er nimmt sich in Acht,
weil der hat frieher, nur Scheißdreck gemacht.

+++

Sportlich doher kimmt die nächst Geschischd,
Was mer in de Hall macht unn was besser nicht.

Selten mol e Joahr vergeht,
in dem koan Handballer im Spruch droi steht.
Uff Auswärtsspiel fahrn, frieh moijends um neu,
wie könnt so en Sunndoach, schenner soi.

Ab in die Hall mir soin schun spät droo,
so feuert unsern Sportsfreund soi Mädscherteam oo.
Sie gehn in die Hall, de Trainer bleibt steh,
isch könnt groad hoamgeh, wenn ich den Schiri schun seh.

Die kenne sich schun loang alle zwaa beide
Unn koaner koann de anner besonders gut leide.
Fairplay jedoch, steht beim Handball an erster Stell
unn so verhält sich unsern Sportsfreund aa professionell.

Er reißt sich zamme unn hält oafach die Schnut,
nur tut des Leider soim Blutdruck net gut.
Was soll doann des, was peift der fern Scheiss,
denkt er sich als soin Geduldtsfoadem reißt.

Wie Subbermario hippter do rum
Unn verhält sich fern Sportsfreund schun goanz schee dumm.
Er haacht vor lauter Zorn mit Kraft geje die Woand
Unn zertrümmert sich debei die Mittelhoand.

Soin spezielle Spezi lachten noch aus,
als unsern Sportsfreund sich aufmacht ins Kronkehaus.
Schlääschd sieht’s aus, alles gebroche bis uff zwaa,
Unn unsern Sportsfreund will nächst Woch uff Rundreis in USA.

Schnell operiert gips drum erum
klappt’s schun mit de Rundreis ich soin doch net dumm.
Er setzt sich in Fliescher mit Kinner unn Fraa
Los Kapitän ab nach Amerika.

De goanze Flug hoannse durchgepennt
unn soin doann erstmol bei die Audovermiedung gerennt.
En dicke, fette Amischlitte,
des gefällt unserm Sportsfreund. I take dis one bidde.

Guter Mann mit driving wird’s nix,
You have jo die komplett Hoand in Gips.
Und wieder verhält unsern Sportfreund sich professionell,
mer koanns goans gut säije, soin Blutdruck steigt schnell.

No Problem Lady dehoam klappts doch aah,
Unn wenn ich do net derf, doann fährt halt moi Fraa.
Soi Fraa guckten oh, werd weiß wie die Woand,
achtdausend Kilometer alloa fahrn, quer dorschs Amiloand.

Die Hoand im Arsch, die Stimmung getriebt,
hoat unsern Sportsfreund doann es beifahrn geiebt.
Des alles nur, weje dene sau bleede Bosse,
Hätt er doch nur die Woand in Ruh gelosse.

Fairplay wär die Lösung auf dieses Problem,
wie awwer nur - woann die Nerve durchgehn?
Drum loasst eich gesoagt soi, hoabt Spaß am Sport,
sunst laaft er baal mim Gips dorchs Ort.

Lied: Schiefe Absätz (TVB-Lied)

Uffm Fischerfest in Gernsem am Rhoi,
do fröhnte zwaa junge Biddelberner em Woi.
Er doanzt mit soim Mädsche, dut singe und schwofe,
vun dene zwaa denkt koaner ans schloofe.

Um oans hoannse es erste mol die Zeit oabgeläse,
do war de letzte Zug, schun fort gewäse.
Druff geschisse, e Taxi muss bei,
warn die Worte von unserm Casanova - noachts um halb drei.

E Stunn hoannse noch gewaad uff de Bartsch,
wie der doann kam, warn unser zwaa schee verknatscht.
Sie hibbe ins Taxi, es geht Rischdung hoam,
Des wird bestimmt deier, nächst mol fahrn mer Boahn.

Bei unserm Casanova oogekumme,
isser aa schun rausgesprunge.
Er wankt Richtung Hausdeer, dut nochmol winge
Unn doann schnell im Haus verschwinde.

Soi Mädsche dut noch kreische, unn driggt uff die Klingel,
doch do leiter schun im Saasch, unsern Schlingel.
De Taxifahrer der wollt trotzdem soi Kohle,
unn so musstse oachzisch Euro oam Audomade hole.

Woas der do fabriziert hot, war werklich en scheiß,
do war em wohl de Preiß zu heiß.
Taxifahrn is deier unn Mädscher soins aa -
er is noch en Stromer unn brauch noch koa Fraa.

+++

En Rentner hoat goanz schee veel Zeit
unn is zu alle Schoandtate bereit.
Kaaft er doann samsdoachs moijends oi,
Doann muss es schun de Großmaad soi.

Die Selgros in Griesem, die is subber,
do kaaft er oafach gern soi Butter.
Schnell dorsch de Wald, doann links die oa gass,
schun steht mer oan de Loadekass.

Doch derf do jo net jeder hie,
Mer kriegt e Kärdsche als VIP.
Mit zwaa Pund Butter oan de Kass,
bemerkt unsern Rentner, ihm fehlt jo was.

Er brummt wirrer hoam, is nur oam fluche,
jetz aa noch des Kärtsche suche.
Do leits unn seegt nix, jetz ab wirrer hie,
Die Streck werrn ich brause so schnell wie noch nie.

Er flitzt wirrer riwwer unn kaaft weider oi,
fer so zwa Pund Butter e mords Fahrerei.
Er brauch doann aa noch Weizemisch,
Des gibts beim Hansi täglich frisch.

Doch kimmt er do beim Bäcker naus,
Guckt unnerm Wischer schun en Knolle raus.
Als hätt mers doch als Pensionär,
im Läwe ohnehin net schwer.

Zwaa Woche später hoatter doann Post:
Ei Schatz, war des wo de ohne Scheib geparkt host?
Er schnappt sich glei des deire Kuver,
Doch fer nur en Knolle war des goanz schee schwer.

Er hockt sisch oan disch unn macht es Briefsche uff,
do warn doch vun ihm zwaa foddos druff.
Hoatts unsern Rentner doch geschafft,
macht zwaa foddos unn hoats net gerafft.

Zwaa mol zu schnell dorsch de Wald unn scheisse geparkt,
do fährts unserm Rentner dorsch Knoche unn Mark.
Nur, um e bissje billischer die Butter zu kaafe
derf er vielleicht jetzt zwaa Monat laafe.

+++

En Halbstarke aus unserm Ort,
der macht zum saufe net weit fort.
Draus is Winter unn es leit Schnee,
Jetz zu laafe wär net schee.

Noa, er is faul unn macht de Lenz,
er fährt mit seum Mercedes-Benz.
Winterreife hoat er koa,
Weil eewisch jo koan Winter woar.

Ab in die Wertschaft, direkt newerm Balles,
do gibts Bier unn Woi unn Schnaps unn alles.
Mit soim Kumpel zamme will er dorschs Ort,
mir hoann jo noch Kneipe, mer muss jo net fort.

Sie dabbe los, de Benz bleibt steh,
ab mit de Tornschuh dorsch de Schnee.
Gerda, Nico, Gloria unn Sider,
am End hockt mer beim Benno wieder.

Guckt se eich oo, voll wie die Haubitze,
denkt sich de Benno wie se do sitze
Unn er schiebt dene besoffene Glowe,
noch e Pizza Boss in de Ofe.

Mer doankt, bezahlt, steht uff unn geht,
ei gugg mo woas do hinne steht:
Er sieht soin Benz oam Salzer-Eck,
der steht doch im Wääg – der muss do weg.

Merkst du’s noch, freegtn soin Kumpan,
isch hoab doch veel gesse, isch koann wirrer fahrn.
De oa dut schun oans Auto schwanke,
unn is mim oannern laut am zanke.

E schlääschd Idee, stellt sich später raus,
lauscht in Biddelborn doch jedes Haus.
Ab ins Auto unn nix wie los,
auf Steig oi, mach der net in die Hos.

De Benz erfüllt schun gut soin Zweck,
der hoat de Ootrieb noch im Heck.
Doch sie kumme net weit unner volle Doamp
unn tuschiern e Strooßeloamp.

Dorsch de Aufprall abgelenkt,
wer hoat in Physik mol net gepennt:
Einfallswinkel gleich Ausfallswinkel,
sie schloache eu, bei de Erna unn ihrne Hinkel.

Los schnell ausm Audo raus,
mir nüchtern erstmol paar Stunn aus.
So oafach gehts hoannse gedenkt,
do kimmt schun die Polizei ums Eck gelenkt.

Doch unsern Spezi oberschlau,
nimmts mol wirrer goanz genau.
Wer von uns zwo is de Übeltäter,
des beweist uns koaner späder.

Seegt er zum Poliziste goanz schee dreist,
doch de Wachmann nur noach unne weist.
Ihr Bleedmänner ihr seid so doll,
De goanze Schnee is mit Spurn doch voll.

Unn doi Spurn die fürn direkt do längs,
zum Fahrersitz oam Unfall-Benz.
Sie wurde verhaft -musste beide mit,
nooch geere uff die Wach, zum Haftantritt.

Oam nächste Doach hot se de vadder abgehollt
unn ohne Labbe soin unser zwaa hoamgetrollt.
Weil woann mer mit Besoffne fährt,
verliert mer de Labbe hoab isch geheert.

Unn zusätzlich zu dene Quale
musst er de Schoade selwer zahle.
Drum soag isch eisch, fahrt net besoffe,
Sunst werd noch e Latern getroffe.

Ob Polterowend orrer Kneip im Ort,
Fahrt garnet erst mim Audo fort.
Leeft mer im Ort uff Schusters Rappe,
Behält mer länger doann de Lappe.

Moi Kehl is trocke, ich brauch dringend en Woi,
Mundschenk mach dein Job unn schenk mer mol oi.

+++

De Vater Rhoi so wunderschee,
unn des alles in de Näh
Mim Motorboot kennt mer super fahrn,
Vor allem wärs aa net so warm.

Doch brauch mer glaab ich dodefer,
en Fiehrerschoi, hoab ich geheert.
Denkt sich en Biddelberner lässisch
unn drickt die Schulboank - Bootsschulmäßisch.

Unsern Leichtmatros mer glaabt es kaum,
erfüllt sich prompt soin Lebenstraum.
Doch uffm Fiehrerschoi sticht sich’s schwierisch in See,
drum wär a noch e Bootsche schee.

E nagelnei Boot hat en angelacht,
Drum hat sich unser Kapitän gedacht,
Des is e subber Motorjacht
und er hat den Deal gemacht.

Unn weil des Boot so deier war,
beschwert sich natürlich glei die Fraa:
In dem Boot soin Schloofkabine droi,
was willsten dodemit am Rhoi?

Okay du hoast Rääschd des is e Wort,
mer misse werklich weider fort.
Es schlimmste ahnend freegt er sie:
Ei Moin Schatz wo willstn hie?

Sie moant, Kroatien wär schee warm
Unn mer koann dort gut Boodsche fahrn.
Doch er seegt, des is zwar schee -
awwer tuts net aah de Edersee?

Fer soin Kutter gibt er zischdausend Euro aus
awwer will net e mol aus Deitschloand raus.
Doch er wollt koa Spaßbrems soi,
Bei de Jugos gibts aa guude Woi.

Hotel gebucht direkt oam Meer,
Awwer mit Bootssteg bittesehr.
Dort Oogekumme gehts glei los,
so e Bootsfahrt is famos.

Volle Kraft voraus, steche se in See,
Ach wos isses do so schee.
Moin Schatz mir trinke mol en Woi,
Ramondischer als wie do koanns jo net soi.

Er schlägt Kurs Richtung Hotel oi unn des ziemlich zackisch,
unsern Skipper beaalt sich, soi Matrosin werd rattisch.
Am Ooleger soinse oogekumme
unn direkt uff die Stubb verschwunne.

Sie guckt en oo und heuchelt zart:
Schatz, mach’s mir auf Balkan-Art.
Nooch dere Abbeid eugeschloofe,
Konnte unser zwaa nur net loang poofe.

Es kloppt oan de Deer, medde in de Nacht,
mit verquollne Aache hat de Skipper uffgemacht.
Guter Moann, derf ich mich vorstelle schnell:
ich bin de Chef vun dem Hotel.

Ich muss ihne soache, sie soin goanz schee bleed,
sie wolle mim Boot fahrn unne wisse net mol wies geht.
Eier Boot hoat en Fischer weit draus uff de Adria gefunne,
ihr Kameler hoabts net oogebunne.

Sie henns doann gesucht fer goanze drei Stunne
Unn moijends um vier doann aa gefunne.
oogebunne schleppe ses fort,
wirrer zurick oan de Bootschers-Port.

Die Moral von der Geschicht,
Gehst du in Bootsschul verpasse nicht,
Die Stunn mim Thema: fest Vertäue
sonst warn des alles nur Perle vor die Säue.

Die Mussig speelt wie abzusehn,
Ein e Seefahrt die is lustig eine Seefahrt die is schön.

Lied: Eine Seefahrt die ist lustig

En Dornemer Biddelberner dut sich stetisch fraache
Wos ihn so alles fer Maleerscher plaache.
Jeden Moijend wacht er schweißgeboad uff
Unn find oafach koa Erklärung druff.

E nei Bettdeck bei, de Stoff war veel dinner,
Doch geschwitzt hot der Mann, genauso wie immer.
Es hilft alles nix, die Krankheit zu schwer,
Do hilft sogar garkoa Bettdeck nix mehr.

Er siehts endlich oi unn lässt sich mol checke
Do muss jo e rischdisch schlimm Krankheit in em stecke .
Blut, Urin, Sehtest unn Stuhl
Guder Mann, ihre Werte sinn cool.

Herr Doktor, wie koann des doann soi,
mer geht’s so dreggisch unn die Werte soin foi.
Guder Mann, sie sinn ja völlisch näwer de Spur
Es wär alle geholfe, sie fahrn mol in Kur.

Gesagt getan, ein Mann ein Wort,
der Patient wagt die Reise in de ferne Kur-Ort.
Ab in die Koje, er haut sich ins Bett
Es Owendesse in de Wertschaft war doch ziemlich fett

Noach acht Stunn Schloof, wacht er wirrer uff
Unn guggt goanz gespannt uff soin Schloofozuch druff
Koan Droppe Brieh, wie hot er des nur geschafft?
Wirrer dehoam wachter uff, im eigene Saft.

Auswärts trogge, dehoam isser nass.
Longsam vergeht unserm Patiente de Spaß.
Ab in die Wertschaft, ich kurier mich mit Bier,
er säuft fuffzeh Halwe, bis mojends um vier.

Uff de Couch oigeschloofe, nachem ausgiebischem Suff,
wacht unsern Patient mojends forz trocke uff.
Wie koann des donn soi, ei leck mich doch fett,
uff de Couch bin ich trocke, do leits doch am Bett.

Er guggt sich soi Bett oo unn macht große Aache
Denn des woas er sieht, des koann er kaum glaawe.
Der Kerl war so bleed wie die anner Woch,
denn soi Wasserbett, des hott e Loch

+++

De Spruch is rum ehr liewe Leit,
loang genuch geschwätzt fer heit.
Diesmol aus zwaa neie Federn,
Find ihr Eich wirrer, dut net zetern.

Geschischde warn wie immer knapp,
Drum zögert net unn schickts glei ab,
An Info@kerwespruch.de,
Bis nächst Joahr is noch bissje hee.

Wenn oaner bleede Bosse reißt,
sich naggisch in die Hos noi scheisst,
orrer Samsdoachs die Gass vorm Haus net kehrt,
is er des Kerwespruches wert.

50 Seite hoab ich eich verzehlt,
Unn debei moi Stimm gequeelt.
Loangsam langts, leck mich am Arsch,
Die Mussig legt los, de Kerwemarsch!

Lied: Kerwemarsch

  • Aus der Feder von
    Max Kraus & Jan Schneider
  • Kerwevadder
    Sebastian Ruff
  • Beivädder
    Manuel Janz, Johannes Klink
  • Kerwewatz
    Lars Henzel
  • Schmuddels
    Heiko Fischer, Kai Ruhland