Kerwespruch 2017

Loass mer moi Ruh – so´n Houfe Leit
hoann sich do oigefunne heit.
Bevor vumm Saufe de Kobb werdd merb
do feiern meer all unser goldisch Kerb
Mit all denne Leit uff jeden Fall
unn gefeiert werdd bei uns in de Hall.

Gewäsche unn gekämmt so steht eehr all do
unn hoffentlich hobbter frisch Unnerwäsch oo.
Zu heern, woass im Erttsche ess bassiert
unn wer sisch im letzde Joohr hoatt blamiert.
Wer in de Redd droi ess, ziggt bitte koa Schnut
Dutt liewer laut lache, dess ess fer uns gut.
Groad jetzt, wo iwwerall so schlimmes bassiert
esses wischisch dass mer soin Humor nett verliert.
Unn woann meer eisch bissje veräbbelt hoan
trinkt e Schnäpsje unn vergesst eiern Zorn.

Dääsjoahr gibt’s Rekorde, die honn isch im Sinn
Nett nur, weil isch de erste zuugeraasde Kerwevadder bin.
Sechs Schmuddels, elf neije – isch dreh jo fast dorsch
insgesoammt do soimer zwaaunnverzzisch Borsch.
Die Määdscher - isch säh´s - die werrn schunn nerwees
all honnse uns gäärn, unn dess macht uns nett bees.

Bei so veele Borsch in de Kewewelt
hoatt die Pungschder Sonderschischt oagemellt.
E Loadung Pilotehemmer wurde geordert
do waa so moanscher Werdd iwwerfordert.
Weck, Worscht unn Woi soin wäje uns jetz all all
die GOLDENE soue eehr Kerb oab Knall uff Fall.

Doach soi meer uns oanisch unn misse jetzt singe,
unser Hymne soall so laut wie nie erklinge,
Die Mussig die haacht jetzt so rischdisch enoi
de KERWEMASCH unn die KERB soalle unser soi!

Muss mer mool groß do ess mer froh
hoatt mer en scheene Sauna-Kloo
Nur misse all, die den benutze
die Schissel wirrer sauwer butze.

Do waa en Mensch, der macht enoi
unn lässt soi Worscht goanz oafach droi.
De neegsde der sitzt uff dem Houfe
unn koann vor Wut fast nett me schnaufe
 
Beim Friehschdigg freegder doann soi Fraa
ob sie die Sauna -Scheissern waa?
Die scheemt sisch, kriggt en Riese-Schreck
unn sie verliert eehrn Friehstiggs-Weck

+++

Heitzudoags werdd – wie mer´s kennt -
Alles zum-me mords „Iwennt“
Zum Grille muss enn Koffer bei
unn deier Grillbesteck ess droi.

De Grillmoasder steht oan soim Grill
weil er die Werschtscher rösten will.
Doch ess des Grillbesteck nett do
wer werdd doann dess schunn wirrer hoo?
Verdäschdischt werdd so zimmlisch jeder
unn do debei werd´s immer späder.

Die Leit die wolle endlisch esse
drumm werdd de Grill jetz oogeschmesse.
Ehr glaabt nett wie des Feier rischt
de Chef der macht e bees Gesischt
„do unne droi isch fasses ned
do faggelt groad moi Grillbesteck.

+++

In Kaprun leit moanschmoal Schnee
do macht de Schiclub aa gäärn hee.
Die faahn mim Bus, so wie mer´s kenne
doach oaner muss soi Räädsche nemme.

Oam Enn vunn deere scheene Fahrt
waa unsern Fahrroadfahrer braat,
er wollt sisch halt aa nett veel stresse
unn hott soi Fahrroad glatt vergesse.

Jetz waaser nett, was soll er tun
des Fahrroad des steht in Kaprun.
Enn Oabstellplatz der dutt sisch lohne
kost jährlisch zwaahunnert Eurone.
 
UNN JETZT DO SINGE MEER GONZ FROH
„JA MIR SOIN MIM RADL DO“

Enn Kerweborsch aus Biddelborn
wollt nach Klein-Gerau laufe.
die Kloane-Geerer Feierwehr
hat goanz schee veel zu saufe.

Unn veele Flasche machder leer
rischdisch Laafe ging nett mehr
vorem Hofdor ausgestreckt
werdder oam neegsde Doach geweckt.

De Hausbesitzer kimmt gerennt
enn Fremde vor soim Haisje pennt
Der denkt, soi Freundin deet droi wohne
de Moann der konnten net verschone.
Unn er erklärt dem Borsch goanz heiter,
„doi Froindin die wohnt zwaa Strooße weiter“.

In einem Balkan-Restaurant
bestellt en Gast so allerhand.
En „Spät-Deller“ waa aa debei
Unn de Ober merkt dess glei
„der hoatt soi Brill nett rischdisch uff“
sunnst kämer nämlisch sellwer druff
de Spät-Deller so wie mern kennt
werdd nemlisch „SPLIT-Deller“ genennt

+++

Noach Froankreisch sollt´s in Urlaub geh
die „Normandie“ ess jo soo schee.
Uffs Dach vumm scheene Audo druff
do kumme die drei Räder nuff.

In Fronkreisch geht’s zur Mautstation
doch – ohweh – da schepperts schon.
Drei Kedde hinge do erunner
do hoann sisch – unn des ess koa Wunner -
die drei Räder festgekrallt
und soin zuletzt nunner geknallt.

Des Audo-Gloasdach waa oam Aasch
unn dodezuu kam die Blamaasch
weil vehle Leit goanz schadenfroh
guggde sisch die Szene oo.

Endlisch hatte-se noach Stunne
de Wääg zum Ferie haus gefunne.
De Bub der hoat die Poanik kriggt
weil er soi Handy nett erblickt.
Sie suches doann im goanze Haus
unn roume aa des Audo aus.
Inzwische – unn des waa saudumm -
do hatt de Bub fast Schnappatmung.
Doch zuletzt do fällts-em eu
des Handy MUSS im Audo soi.
Im Seidedäschje dunn-ses finne
unn de Urlaub koannt beginne
Und hier zeigt sich jetzt wunderbar,
wies damals ohne Handy war

Enn Oangler dutt sisch rischdisch frahn
er will in Oangel urlaub faahn.
Noach Bayern mit de allde Schees
weil dort gibt’s Soß mit digge Klees.

In aller Frieh doann unnerdesse
hoat er oam Wasser schunn gesesse.
Soi Gummistiewel harrer oo
es waa nix scheenes onnem droo.

Unn als er in soi Herbersch will
do werrer blass unn aa goanz still
de Audoschlissel ess net do
im Audo dro do leirer jo.
Unn die Audodeern soin aa noch zu
vorbei wars mit der scheene Ruh.

Will er nett stunneloang do steh
do musser in soi Herbersch geh
unn wie´s oam Enn aa immer sei
de Schlisseldienst der muss jetzt bei.

Unn wie-rer dabbt ins Örtsche noi
do fällts ihm aa glei wirrer oi
„die hoann jo Trachdeumzuuch heit“
unn do waan aa schunn veele Leit
mit Dirndl unn mit Lerrerhoos
de Oangler awwer schämt sisch bloß
mit soine stinggische Gummischuh
unn die Blooskapell die guckt zu.

+++

Aus Büttelborn zog eine fort
an einen ziemlisch fremden Ort
Frankfurt haasder. leit oam Main
dort lebt des Fraasche sisch schnell ein.

Sie wollt noach Biddelborn sich queele
unn dort e bissje Hoandball speele.

Eern Karrn der waa nett oabgeschlosse
paa Fremme hann des sehr genosse
im Audo gabs gut Hasch unn Groas
de Fraa der stieg des in die Noas.

Sie denkt – des ess nett iwwertrewwe
„ach wär isch doach dehoam geblewwe“.

UND JETZT FOLGT EIN LIEDCHEN FEIN
„WIR ZOGEN EINST IN FRANKFURT EIN“

Die Kerweborsch noach Bergoff fahn
wo sie nett mee goanz nischdern waan.
Unn mit eehrm volle, daawe Herrn
do wollde se zum schwimme gern.
En Pool dafür des Besde ess
sie hadde aa schunn e Adress.

Doch oaner ess noach doogeblewwe
unn hats mim Saufe iwwertrewwe.
Doch irgendwoann werrer goanz cool
will zu de oannern oan de Pool.
Dort oogekumme guckter bleed,
weil er in einer Feier steht.

Die Oma hat Geburtsdoag heit
unn dort warn aa en Houfe Leit
mt foine Klaarer, gutem Esse,
de Borsch der hat den Pool vergesse.
Er find des werklisch gaa nett schee
wollt nur noach hoam offs Konnebee.

Er dutt sisch off de Hoamwäg queehle
unn unnerwäägs e bissje scheeme.

+++

Es Heissje des waa goanz alloa
Vadder und Mooder waan nett doo.
Die Määdscher waan im Wald beim Zellde,
de Vadder wollt sisch net erkällde
drumm trinkt-er oan zur Vorbeugung
aa oaner meeh – des waa nett dumm.

Denooooch do waarer zimmlisch discht
de bleede Teil vunn der Geschischt:
er wollt sisch noch paa Aajer bagge
macht alles verddisch,dutt doan knagge.

Soi Fraa kimmt hoam, ess rischt verbrennt
eehr Poann hott se nett meh erkennt.
Goanz roaweschwazz, die Kisch voll Asche
de Moann leit doo unn dutt laut schnasche.
So weit dutts kumme, woann mer knackt
unn nääwebei noach Aajer backt.

+++

Altkerweborsch waan lebensfroh
unn Dorscht den hannse sowieso.
Ee schee Biersche – frisch gezabbt
dess hätt sisch jeder gärn geschnabbt.

Doch die Oolaach die macht nix
des rebbariern des ging goanz fix.
Doch so loang mer rebbariert
es ess so gut wie nix bassiert.

Alle Käähle bleiwe trogge
die Borsch vor´m leere Gläsje hogge
oam Enn werdd Flaschebier geschluggt
do hoann die Berschjer bleed geguckt.

JETZT SINGE MEER OANS VUNN DE SCHENNSDE LIERER
„KERWENBORSCH SOIN LUST´SCHE BRIERER“

Beim Kerschgassfest do gings hoch her
dort steht des Zelt der Feierwehr.
Des hatte mer sisch ausgelieje
um veel Leit do enoi zu krije.

Die Feierwehrler waan so freundlisch
aa wäjem gure Bier wahrschoinlisch
des Zelt doann wirrer oabzubaue
unn oan soim Plätzje zu verstaue.

De Rest vumm Bier der werdd gesoffe
oan Feierwehrler hoats getroffe
guckt ziemlisch dief ins Gloas enoi
do fällts ihm irgend woann doach oi
dass er – unn zwaar mit viel Verdruss
oam neegsde Doag zum schaffe muss.

Er wacht uff mimm daawe Herrn
unn woallt zu seinem Audo gern
des steht nett dort in soine Stroos
wo ess der bleede Kann doan bloß?

Oan de Kersch finnder soi Schees
unn er ess aa nett mee bees
jetzt koanner uff die Ärwett faan
unn sisch oan soim Koppweh fraan.

+++

Veel waa zum Schebbe innem Gaade
geht nur mit Bagger nett mim Spaade.
Ferr´n braare Bagger waas zu eng
enn kloane muss genumme werrn.
Der hoatt em scheene Ausse-Spijel
unn aa enn goldische Iwwerroll-Biejel

Erst werdd gemesse ziemlisch loang
doann waa im Wääg die Debbisch-Klobb-Stoang.
Mit de Flexx wars koa Problem
jetz koannt mer dorschfaahn goanz bequem.

Die Leidscher trauern ziemlisch long
iwwer eer oabgeflexxt  Debbisch-Klobb-Stoang.
Unn als des Baggern ferddisch waa
do stellt mer fest – wie wunderbar
De Iwwerroll-Biejel koammer runnerklabbe
doch do waa  jetz nixx meeh zu mache.

Die Stoang ess oab unn des ess dumm
nur noach zwaa Stebbel stehn jetzt rum.

JETZT DUNN MEER UNS ZU SINGE ALL TRAUE
„SCHAFFE, SCHAFFE HAISLE BAUE“

Schee dass er meer hoabbt zugehorscht
dess strengt asch oa unn gibbt veel Dorscht.
Kaffee unn Kuche den gibbts aa
im Niemöllerweg goanz wunderbar.

Unn oawends geht’s doann in die Hall
Unn isch waases eehr kummt all!

Schließe möchte ich jetzt mit de schennste Wordde
Die sinn fer misch vun ganz besondrer Sorte
Die seun mer veerbt worrn, des is feuu
Die könne doch nur von nem Altkerwevadder seu
Er hoatt sichs gewünscht, mir seus e Ehr
De Spruch vun Neinzehnhunnert60 loang ists her

Haalt mer die Ohrn steif und guckt mer net so
Die gut ald Biddelberner Kerb is wirrer do
Die Kerb wird gefeiert uff jeden Fall,
fer eich speelt die Mussig in unsere Hall
Ich load euch oi zum frohen Feste
Und wünsche euch es allerbeste

JETZT SINGT LAUT MIT – NUR NETT ZU LASCH
DE BIDDELBERNER KERWEMASCH

  • Aus der Feder von
    Uwe Plahuta
  • Kerwevadder
    Eric Kistner
  • Beivädder
    Sebastian Ruff, Simon Hansche
  • Kerwewatz
    Phillip Jacob
  • Schmuddels
    Max Kraus, Manuel Barthel, Erik Scheuermann, Jan Sensfelder, Andreas Dörr, Hendrik Schamber