Kerwespruch 1998

Die Gläser, die soin eugeschenkt,
die Wertleit hon die Keller voll,
oan die Awweit wird heit net gedenkt,
un die Musik sitzt schun off de Roll.

Die Mädcher,die dun glücklich strahle,
groad wie oam Himmel, heit die Sunn,
do könnt mer sich doch groad verdahle,
denn so e Kerb ess schell erum.

So zeigt sich´s Lewe dieser Tage,
vun soine allerschenste Seit´,
Vergesse sin die Alltagsplage,
in Biddelborn ess Kerwezeit.

Un ich, ich derf dies Johr regier´n,
die Kerweborsch wie se hier sin,
die heern off mich, die dun parriern,
un wenn ich aach de klinste bin.

Doch in der Kürz´do liegt die Würz´,
im kloane Bach entspringt der Strom,
es stinke net die kloane Fürz´,
un kloa war aach Napoleon.

In diesem Sinn will ich Eich grüße,
zuerst die holde Weiblichkeit,
die Zockerschneckscher, die kloane süße,
un die, die´s mol warn vor loanger Zeit.

Die mit de stoamme Schenkelcher,
ob braune, blonde, schlaue, doofe,
un die Omas mit de Enkelcher,
weil die jo iwwer Kerb dort schloofe.

Ich grüß die Moannsleit hier un heit,
die vun de Kerb schun so loang droume,
ob groß un loang, ob dick un breit,
un goanz besonders all die kloane.

Doch jetzt erhebt mit mir des Glas,
stimmt mit oi, seit alle froh,
die Musik gibt jetzt richtisch Gas,
"Die Biddelberner Kerb ess wirrer do".

Lied: Kerwemarsch

Fer´n Kerwespruch, un des ess wohr,
ess veel passiert im letzte Johr,
wenn moi Blick so dorch die Reihe geht,
seh ich noch kloaner, wo net droi steht.

Es kame mer veel Gerüchte zu Ohr,
un oan jedem Gerücht ess irgendwoas wohr.
Es werd zwar immer asch iwwertrewwe,
doch mer hon alles offgeschrewwe.

Es gibt en Bäcker hier im Ort,
der backt gern Kuche un gern Tort,
un weil er backt mit Leib un Seel,
kriegt er aach Aufträg, ziemlich veel.

Groad im Summer gibt des Stress,
wenn alle Woch e Hochzeit ess,
oa Hochzeitstort kimmt noch de oanner,
do ess mer schun mol dorchenoanner.

So kam´s doann aach woas kumme muß,
die Tort war ferdisch,droff de Guß,
in de Backstubb stand se traumhaft schee,
doch wo die Hochzeit war wußt er net me.

Koan Nome hatt er sich notiert,
koa Nummer un jetzt hot´s pressiert,
es Telefonbuch raus un goanz geschickt,
die Gastronome rausgepickt.

Im goanze Kreis, in jedem Ort,
da rief er an "braucht ehr e Tort",
doch off jedem Fest ob groß, ob kloa,
wurd ihm gesoat "mer hon schun oa".

Nur im Dorfgemeinschaftshaus,
in Berkach flippt die Braut fast aus,
de Zufall will´s, des ess doch klar,
daß ich off dere Hochzeit war.

Drum war ich der Retter in letzter Sekund,
die Tort hatt Verspätung vun 4 e halb Stund,
do hot unsern Bäcker des korz iwwerdenkt,
un hot dem Brautpaar die Tort zu de Hochzeit geschenkt.

So ess des halt bei de Gewerweleit,
die schaffe wie doll un hon gar koa Zeit,
doann hot mer halt, eh mer sich rischtisch besinnt,
woas geschafft un dodebei gar nix verdient.

Genau so erging´s unserm nächsten Patient,
de Landhandel drauß, den jeder kennt,
en LKW kam off de Hof, mit´rer Fur,
der mußt schnell geleert wern, fer die nächste Tour.

De Chef ess glei aus em Büro gekumme,
un hot die Sach selbst in die Hoand genumme,
de Kipper hoch, net loang geflackelt,
do hot des Ding aach schun gewackelt.

Die Ladung kam, un des mir Macht,
do hots aach furchbar schun gekracht,
im linke Rückspiegel konnt mer jetzt nix me seje,
denn do hot des Lastauto drowwe geleje.

+++

Wo gehowwelt werd do falle Speh,
der iwwergoang, der ess jetzt schee,
weil vun dort aus, gar net weit,
do residiern die Zimmerleit.

Aach dort, do werd geschafft wie doll,
die Auftragsbücher, die soin voll,
drum ess aach hier es schun passiert,
daß ess off em Bau pressiert.

So wurd es Holz offs Haus getrouwe,
um de Dachstuhl offzuschlouwe,
des ging aach fix, wie mer des kennt,
do kam de Bauherr schun gerennt.

"Halt,halt, woas macht´ er doann ehr Leit,
die Gaub ess off de falsche Seit".
Do hatt wohl oaner den ich kenn,
de Ploan verkehrt rum in de Hänn.

Der Doag, der war total versaut,
es Dach wurd wirrer umgebaut,
un des off ner Baustell, wo de Mouwe oam knorrt,
weil´s do nie woas zu trinke gewwe hot.

Des war es Stichwort fer moin Dorscht,
ich trink off die Gewerweborsch,
die Musik dut sich jetzt ofraffe,
un speelt fer die es Lied vum schaffe.

Lied: Schaffe, schaffe, Häusle baue

Beim Sport gibt´s immer veel Geschichte,
vum Hoandball will ich jetzt berichte,
drum soag ich´s jedem, der mich kennt,
ich bin en Frauenhoandball-Fan.

Beese Zunge dun des joo benenne,
als ungelenkes Muggerenne,
doch wenn ich seh woas die fer Dinger drehe,
do dunn die de Männer in gar nix nochstehe.

Die Frauen 1 hatte e Euloadung gekrigt,
zum Beach-Hoandball, du werst verrickt,
im Biddelberner Moorparkstadion,
es wurd glei geguckt, ob mer do koann.

Jedoch im Summer ess des so e Sach,
8 Leit hatt mer zusoamme mit ach un Krach,
1 Auswechseler nur, des ess oafach zu knapp,
drum sagte man des Spektakel halt ab.

Do hatte unser Grazie iwwerhaupt net gerafft,
daß Beach-Hoandball goanz oannern Regele schafft,
fer dieses Spiel im waasche Soand,
do hätte 4 Leit glatt geloangt.

+++

Es geht glei weirer mit de Frauen 2,
beim Bolze reiße, es gleiche Niwoo,
zum Mannschaftsurlaub, do ging es ab,
lustisch sollt´s werrn, un des net so knapp.

Als sie im Hotel hon eugecheckt,
do hatte e paar schun woas ausgeheckt,
so stellen sie sich vor, uns´re Hoandballerinne,
als Nationalmoanschaft der Synchronschwimmerinne.

Mer hätt de Swimmingpool schun inspiziert,
die Wettkampfbedingunge wär´n net garantiert,
es wär e Gefährdung, so riefe se brausend,
der Teilnahme bei Olympia 2000.

Do hatte se sich e morz Ei gelegt,
denn der Hotelchef hot net loang gefreegt,
un hot aus em Stehgreif, schnell iwwer Noacht,
e erstklassisch Halleboad klar gemocht.

Der Klärungsbedarrf hinnennoch war enorm,
do soin unser Wasser-Elfe flüchtisch geworrn,
sie soin zu zehnt in de Fahrstuhl geschosse,
doch der war fer sechs Leit nur zugelosse.

En korze Ruck, ging dorch den Schacht,
owwe links hot´s leicht gekracht,
die Deer war zu, es Licht ging aus,
festgestocke - aus die Maus.

Ein Freudenfest in dem Hotel,
Guzjer gab´s aus Karamel,
Konfetti es dorch die Luft geflouwe,
als der Verein war ausgezouwe.

+++

Als nächstes soin im Spruch jetzt dro,
als Gejestick, die Männer 2,
es wichtigste Speel in dere Saison,
des ess mächtisch versaubeidelt worrn.

Debei hatt´s so gut ogefoange,
als sie off´s Speelfeld son gegoange,
hochmotiviert un farbenfroh,
wie in de "Horro-Picture-Show".

En Höhepunkt gab´s im Speel, des waas jeder,
der legendäre 7 Meter.
Einer der Spieler hot die Oangst oabgeschmesse,
und die goanz Verantwortung oan sich geresse.

Nur hatt er wahrscheunlich off de Boank, im Rausch,
es Deesje voll Harz mit em Melkfett verdauscht,
er will de Tormoann noch foppe, frech wie Rotz,
do esse m de Ball aus de Hähn gedotzt.

Es Speel war rum, nix wahr´s mi´m Thron,
zum Frust ertränke gings in die Kron,
unsern Schütze hatt sich doann korz entschlosse,
voll wie e Eul im Klo eugeschlosse.

Koanner vun de Kumpels hat woas gemerkt,
selbst net später doann, de Wert,
so kam´s, daß er die goanze Noacht,
hier schlofend off em Klo verbroacht.

Un die Moral:
Kommt morgens der Wert in die Kneip, recht früh,
do hot er beim offrome ziemlich viel Mü(h)
un die Musik speelt fer den Betroffene,
des Lied vun de Besofene.

Lied: Heute Blau und morgen blau

Jetzt geht es weirer alleweil,
im Spruch kimmt jetzt de Mittelteil,
ich muß nun aach e paar Geschichte,
vun uns Kerweborsch berichte.

Letzt Johr, Kerb-Sunndoag, nooch unserm Gag,
do warn off oamol die Fohne weg,
wie koann sowoas bloß passiern,
mer dut sich jo total blammiern.

Die Lösung, die ess glei gelese,
e Mädel war dro Schuld gewese.
Sie wollt im Räumche nur woas holle,
do kame groad so drei vier Dolle.

Die hon sich unnerm Vorwoand, unverdrosse,
die Fohne groad mol gewwe losse,
sie winkten noch der süßen Maus,
schun warn se aus de Tornhall drauß.

Woas mußte mer do Bier berappe,
bis mer die Fohne wirrer hatte,
ich kennt jo woas soache, ich kennt jo jetzt schwätze,
doch mer soll net iwwer die eigen Schwester hetzte.

+++

Oam nächste Moijend gabs wirrer oan druff,
als en Beivadder erwacht aus seinem Suff,
der hatt sich die Noacht wirrer so zugesaut,
do hatte se´m Scherp un Zylinder geklaut.

Doann kimmt ohne Scherp noch gelaafe de Watz,
un hält die Zung im Maul, als wär im Arsch koan Platz,
des war zuveel, ich glaab es baggert,
dies Johr werrn die Bändcher festgetackert.

Die nächst Aktion, Ehr Leit es ess wohr,
war bei de Weihnachtparty im letzte Johr.
E besinnliches Fest han mer uns vergenumme,
uns in in de Tornhall zusoamme gekumme.

Doch zwaa han mol wirrer, hier steht´s geschrewwe,
die Besinnlichkeit asch iwwertrewwe,
im Morgengrauen soin die erst hoam,
breit wie e Buch, es war en Droum.

Als de erste vor de Haustür stand,
nahm er die Uhr von seiner Hand,
un wollt damit, es ess zum schieße,
wie einst James Bond die Deer offschließe.

Derweil war der oanner dehoam ogekumme,
un ess mit Schwung iwwer´s Hofdoor gesprunge,
en dumpfe Schloag es dorch die Stroß gehallt,
wie er mit em Kopp im Hof offknallt.

Do lief es Blut, ihm dorch´s Gesicht,
notdürftisch hot er´s weggewischt,
hot sich e Hoandduch um de Kopp gebunne,
un ess, wie er war, im Bett verschwunne.

Oam nächste Moijend war woas gemeld´t,
die Modder fast in Ohnmacht fällt,
wie sie en sieht, im Bett, ehrn Liewe,
groad wie e Stick Blutworscht ohne Griewe.

In dieser Zeit, im oannern Haus,
kroch unsern erste em Bett erraus,
er iwwerlegt noch goanz benumme,
wie er doann jetzt ess roigekumme.

Soin Schlissel war net offzufinne,
des geht net zu, mit rechte Dinge,
do ging "007" enunner die Trepp,
un dort hing soi Uhr oam Schlüsselbrett.

+++

Als Kerwevadder wie des so ess,
hot mer vor Kerb ziemlich veel Stress,
un in einer Sach, vor Woche schun,
do bin ich schwer nervös geworrn.

E Kerwemodder mußt noch her,
des lag mer off em Mouwe schwer,
innerlich hatt ich ja schon,
ein süßes Mädel auserkor´n.

So fragt ich sie, goanz leis un still,
ob sie des mit mir mache will.
Die Antwort war, sie weiß es nicht,
jedoch sie üwwerlegt es sich.

Do war´s vorbei, do war es aus,
des hält moin Nervestoang net aus,
no ja, im Hinnerkopp goanz weit,
gab´s noch e zweite Möglichkeit.

Ich bin do hie, oam selwe Doag,
un die hot aach glei "ja" gesoat.
Jetzt war ich froh, denn diese Sach,
war endlich unner Dach un Fach.

Doch zwaa Doag später ohne Flachs,
do kimmt die erst un segt: "ich mach´s",
als ichihr in die Augen sah,
da sagt ich "super - alles klar".

Oje, wenn des grassierim Ort,
do renne se mer beide fort,
drum hatt ich wenn alle Stricke reiße,
im Feier noch e drittes Eise.

Doch den Gedoanke mußt ich glei verwerfe,
des hätte net mitgemoacht, moi Nerve,
zur Ehrlichkeit hob ich mich bekehrt,
un hob des Drama offgeklärt.

Jetzt bin ich glücklich, wie ehr seht,
daß die "Melle" mit mir in die Tornhall geht,
drum speelt die Musik oans vun de schenste Lieder,
die Kerweborsch soin lust´sche Brüder.

Lied: Kerweborsch soin lust´sche Brüder

De Kerwespruch werd immer voller,
denn die Weibsleit werrn als doller.
Die Frauen soin jetzt oan de Reih,
do ess so moanches Ding debei.

Oam Weihnachtsmarkt in Biddelborn,
Do stand letzt Johr e Eiseboahn.
So e kloa, zum rundum fahrn,
halt fer die Kinner, die do warn.

Eh sich der Schaffner hot verguckt,
hatt sich e Fraa do drof gehockt.
Koa schmoal, es war e richtisch schwere,
aus em Nochberort Kloa-Gere.

Des Bähnche hot sich oabgeschafft,
hot geschnaubt un Ruß gepafft,
mer sieht nur noch wie´s Funke schmeißt,
do war des Ding aach schun entgleist.

Die goanze Kinner hon geflennt,
de Schaffner, der kimmt ohgerennt,
un ruft "jetzt loang´s, jetzt es ess gut,
die Boahn ess doch koan Güterzug."

+++

Es geht glei weirer hier im Spruch,
mer setze jetzt noch oaner druff.
E ältere Dame wird jetzt vorgelese,
die kürzlich in de Kerch gewese.

Die Konfirmande vun Biddelborn,
die soin do vorgelese worrn,
un als die Nome dorch die Kerch dun halle,
soin ihr die Aache zugefalle.

Sie hot en Schnarcher dorch die Noas genumme,
do ess de Glocketorm fast runner kumme,
un die Leit, wo in der Kerch droi hocke,
die soin fast all zu Dod erschrocke.

+++

Aach Mißgeschicke oannerer Art,
hatte die Fraue dies Johr parrat.
So war´s passiert, vor´m Ort do drauß,
bei einem Geburtsdoag im Schützehaus.

E paar Fraue, die im Verein die Kinner trainiern,
die wollte do aus e Dänje vorführn.
Korz bevor´s losging, do ruft noch oa,
"Moment, ich muß nochmol schnell off de Klo".

Sie rennt dort hie, reißt off die Deer,
do dut´s en Schloach, sie sieht nix mehr,
hot sich des Deerblatt, es ess net gelouwe,
mit voller Wucht in´s Frätje geschlouwe.

Sie ess doann glei oan de Spiejel gegoange,
es Näsje hot e bisje schepp dogehoange,
oam nächste Doag kimmt´se zum Arzt gekroche,
Diagnose - Noas gebroche.

+++

Es gibt e Gesetz in de Kerweredd,
"Unwissenheit schützt vor Strafe net".
Bei de nächst Geschicht, do haut des voll hin,
do geht´s um unser Ex-Spaschelkönigin.

En Fernsehofftritt, du legst dich krumm,
vor einem Millionenpuplikum,
mußt se bestreite auf Grund von Ihrem Amt,
do warn mer all außer Rand un Band.

Wunderschön war sie dort anzusehn,
doch dann, dann kam die Schlüssel-Szen´,
Vum Moderator,gefraagt ess se worrn,
"Wieviel Einwohner hat Büttelborn?"

Do bekam se loangsoam Muffesausen,
und dann kam zögerlich die Zahl "2000".
Einwohner , "Cici", net Hunde oder Hoase,
die Leit die hier wohne , in Gasse un Stroße.

Die ganze Welt schaute off unser Ort,
un doann so e Antwort, do brichst de doch fort,
trotzdem speelt die Musik fer uns´re Lieblichkeit,
jetzt des Liedche vun de Spaschelzeit.

Lied: Spargellied

Wie gesoat, dies Johr wie doll,
es de Kerwespruch roand voll,
drum kumme jetzt vun moiner Liste,
die Dabbese un Spezialiste.

En Bauer, der hot Froche gefahrn,
dorch´s Ort, un hatt in seinem Wahn,
die Seitewoand net richtisch zu,
do war die Roll halb leer, im Nu.

In de Schoofgass war´s passiert,
un weil´s jo mit de Gerscht pressiert,
warn die Leit, die wo dort Hause,
glei mit Schipp un Besem drauße.

Die letzte Kerner hon se offgepickt,
awwer alle hon se doch net krigt,
jetzt wächst bei dene vorm Haus,
aus jedem Ritz die Gerscht eraus.

+++

De nächste Agent, horcht mer gut zu,
der hot mit de Bauern wenig zu du,
der schafft off de Sparkass, in Gere, wie schee,
un do fährt er im Summer mit soim Roller he.

Vor´m Parkplatz vun der große Boank,
do ess aach so e rot-weiß Schroank.
Normal ess die off wenn die Ohgestellte kumme,
doch oan dem Doag war se halt groad mol hunne.

Er kimmt mit soim Roller geflitzt, um die Eck,
do laafe zwaa Mädcher, mit asch korze Röck,
es Gnick hot er do, sich baal ausgerenkt,
un ess voll dorch die zuen Schroank dorchgerennt.

+++

Aach vun em Zweirad-Fetischist,
handelt jetzt moi nächst Geschicht,
der es gefahrn, mit soim Motorroad, dem schwere,
ins Hoandballtraining, schnell nooch Gere.

Als er doann war dort ohgekumme,
hot er soi Dasch vum Bock genumme.
Die war so leicht un war aach net zu,
er guckt eneu, koa Hemd, koa Schuh.

Vum Denke war er goanz benumme,
do ess groad noch en Spieler kumme.
Der fregt en, "host du des aach geseje,
die goanz Gass hot voll Klamotte geleje".

Do nimmt er soi Dasch, schmeißt, se in die Eck,
er flucht wie en Rohrspatz, doch´s hot alles koan Zweck,
wär er net wirrer off de letzte Dricker gekumme,
do hätt er soi Dasch vielleicht zugebunne.

+++

Bei de nächst Geschicht, do haalt Eich fest,
weil des en richtische Knaller ess.
En Jägersmoann, goanz unverdrosse,
hot drauß im Wald e Sau geschosse.

Wie er mit de Sau off em Hänger vum Wald hoam fährt,
es er im Gewerwegebiet noch mol eugekehrt,
weil dort en Polterowend war,
un es war schun noachts, schun halwer zwaa.

Die Bräutigam-Mutter ruft, "geh groad mol bei,
gell, du host doch e Auto debei,
ich hob do oan leije, der ess voll wie en Schwoan,
sei doch o gut un nemm en mit hoam.

De Jäger segt: "Ich load en glei oi,
doch ins Auto kimmt der net eneu.
Der Kerl, der ess so strack wie en Pfau,
der kimmt in de Hänger, bei die Sau.

Er fuhr doann, mit dene zwaa off em Hänger,
bis vor die Hausdeer vun dem Penner.
Bei dem Geschepper un dem Krach,
do wurd doann aach die Fraa noch wach,

hot sich en Boademoantel umgebunne,
un ess die Trepp erunner kumme,
sie sieht ehrn Moann bei dere Sau,
do segt der Jäger, "liebe Frau,

es grüßt Robert Lembke aus weiter Fern,
welches Schweinderl hätten´s denn gern".
Un jetzt speelt die Musik aus vollem Hals,
des Lied vum Jäger aus Kurpfalz.

Lied: Ein Jäger aus Kurpfalz

Der Spruch der ess jetzt bald verlese,
der letzte Klopper werd gelese,
der Zufall will´s denn wer es dran,
natürlich noch ein Jägersmann.

Der hatt dehoam e Atzelnest,
des woas ihm gar koa Ruhe lässt,
denn Atzele im eigne Gaade,
die hon bei Jäger schlechte Kaade.

Eines Tages guckt er zu,
wie sich do im Nest woas dut.
Mit de Flint hot we aom Fenster gesotze,
un dut sogleich off´s Nest droff rotze.

"Weidmanns Heil" hört man es schalle,
als do woas war, vum Boam gefalle.
Schlecht war, daß just an diesem Tag,
soi Brill noch off em Noachttisch lag.

Denn als er doann in de Gaade ging,
un guvkt, woas do im Boam drin hing,
es war, do wär er fast verplatzt.
Der Schwiegertochter ihre Katz.

+++

So, der Spruch der ess jetzt aus,
ich krig aach baal koan Ton me raus,
nur oans, des will ich Eich noch soache,
ich wünsch Eich scheene Kerwedoache.

Kummt in die Tornhall, seid unser Gäst,
mer feiern zusoamme es Kerwefest,
jetzt nemm ich en kräftische Schluck aus de Flasch,
un die Musik speelt de Kerwemarsch!

Lied: Kerwemarsch

  • Aus der Feder von
    Fred Kraus
  • Kerwevadder
    Mirko Bott
  • Beivädder
    Dominique Haese, Christian Görlich
  • Kerwewatz
    Bernd Scheuermann
  • Schmuddels
    unbekannt