Kerwespruch 1993

So, ehr Leit, jetzt seid mol still,
dut mer moin Klepper net erschrecke,
weil ich heit noch in die Tornhall will,
un net groad oan zwaa Kricke.

Gebt dem Gaul en Oamer Bier,
doann bleibt er steh, goanz ruhich un still,
e Gläsje Woi des gebt ehr mir,
weil ich die Leit begrüße will.

Wenn vun de Beem die Quetsche falle,
un die Sunn die strahlt mit letzter Kraft,
dun aus de Kron´ die Lieder schalle,
vun Pälzer Woi un Gerstesaft.

Wenn off em Bett de Oozuch leit,
nachelnei, wejem dicke Bauch,
un im "Modelädche" de Umsatz steiht,
weil die Fraa noch e nei Klaadche brauch,

wenn die Urlaubsdoach genumme wern,
un Du die Aweit, Aweit soi lässt,
daonn, ehr Leit, es der Tag des Herrn,
doann es unser Kerwefest!

So, ehr Leit, begrüß ich eich,
aus aller Herren Länder,
ob braare Fieß, ob dicke Beich,
orrer exotische Gewänder.

Dut esse, trinke un dut lache,
seid willkomme hier in Büttelborn,
dut in de Gasse Lewe mache,
wenn mer aach koan Maatplatz hon.

Ich muß jetzt mol en Schoppe trinke,
moi Kehl ess trocke wie en Forz,
drum du ich jetzt de Musik winke,
speelt mol de Kerwemarsch gonz korz.

Lied: Kerwemarsch

Wenn ich so rumguck un seh eich do unne,
do hob ich bestimmt schun 3, 4 gefunne,
die heit hier im Spruch stehn, un des aach wisse,
weil se so moanchen Bolze gerisse.

Doch meistens gibt´s aach so paar Kadette,
die wisse vun nix, des kennt ich wette.
Groad ewe ess mer oaner offgefalle,
dem werd nochher schee die Klapp runner falle.

Ich will awwer jetzt hier koa Panik verbreite,
nur es "Umfalle" sollt er möglichst vermeide.

Genug es nun drumerum geschwätzt,
de Zylinder gerickt, dief in Sattel gesetzt,
hoffentlich mache die Fliescher net so en Krach,
denn jetzt foang ich oh, jetzt geht's zur Sach!

Wenn en Moann, der medde im Lewe steht,
die Liebe entdeckt, wenn aach e bissje spät,
doann koann des enorme Kräfte freisetzte,
un die sollt mer off gar koan Fall unnerschätze.

So moancher behauptete hier un dort,
es wär de ält´ste "Singel" im Ort,
doch e Fraa schwebt in soi Lewe, wie en prächtiche Schwoan
aus em Nochberort, glei iwwer de Autoboahn.

Es zieht en jetzt immer öfter do he,
in de "Pilzstubb zur Christel", ach wie esses dort schee,
nur soi Boamstick hier im Ort, des lässt ern koa Ruh,
do muß er he, do gibt´s veel zu duh.

Oan de Obstanlaach steht er un will Reiser verbrenne,
koa Streichholz sollt ihm helfe kenne,
mit em "Feuer der Liebe" horrer en Großbroand entfacht,
ehr kennt mer´s glawe, do horrer nemme gelacht.

Er ess noch net alt un es dut em nix fehle,
drum dut jetzt die Musik es Lied vum Jahrgoang speele.

Lied: Gib acht auf en Jahrgang

Ehr liewe Leit, ehr wird´s all wisse,
die Steuern det mer gern vermisse,
ob Hunde-, Mehrwert-, Erbschaftsteier,
off jeden Fall esses veel zu deier.

Do denkt sich so moancher, es wär gar net bleed,
wenn mer zum Steuerberater mol geht.
Un so denke veel, ehr wird mer´s net glaawe,
wieveel Leit do oam Doach die Deer eneu laafe.

Do wird mer beroore un krigt woas verzehlt,
aus em Drucker werd noch es Ergebnis geguehlt.
Doann segt er: "Se ess es, un wenn ich des pack,
do kimmst de nächst Woch un bezehlst 1.000,- Mark.

Das die net groad arm sin, bestreit sicher koaner,
un aach in Biddelborn do gibt´s so oaner.
Woas kost die Welt, des denkt sich der Moann,
e dick Auto werd kaaft, weil ich´s jo oabsetzte koann.

Gesagt, getan, im Hof steht de Benz,
bewunnert werrer vun quer un vun längs,
er segt: "Net so geklotzt, des Auto ess moi",
in die Garasch will er fahrn, doch der Kann basst net noi.

Es Geld fer´n Mercedes, doch nur Platz fern Kadett,
do koann mer nix mache, des passt holt net.

Ich will aach glei beim Thema bleiwe,
vum liewe Geld, e Buch kennt mer schreiwe.
Wie aach des Ehepaar hier aus em Ort,
die in Frankfurt warn, vun dehoam weit fort.

Es war woas zu erledische, in Frankfurt oam Moa,
"Schatz, mer fahrn zusoamme, des ess besser wie alloa,
wenn de nemme weirer waast, dust de net mucke,
un ich du doann goanz ruhisch im Stadtploan mol gucke."

Mim Auto noch Frankfurt, oan die U-Boahn gerennt,
bisje Oangst hon se schun, mer hot jo koann Mensch gekennt.
Doann kimmt schun de Zug un alles stertzt noi,
gequetscht wie die Hering, warn die Zwaa midde droi.

"Nochher fahrn mer mim Taxi, hier grh ich kaputt,
guck emol schnell ob´s Geld loange dut."
Ein Schrei geht dorch die U-Boahn, goanz schrill un laut,
"Hilfe, hilfe, mer hon se es Geld geklaut."

"Do hinne, der war´s, mit dem Verbrechergesicht,
ehr Leit halt en fast, bevor er entwischt.
Ruft die Polente, ruft se goanz schnell,
der Kerl muß in Knast un zwar off de Stell."

Null komma nix war die Polizei aach schun do,
"Herr Wachtmeister schnell, ach wos soin mer so froh,
der war´s gewese, goanz genau dieser",
doch nix wurd gefunne außer Schnaps un Pariser.

Den Moan ließ mer laafe, mangels Beweise,
fer die zwaa war des e sehr kurze Reise.
Zurück soin se gelaafe, dorch den Wald aus Beton,
sie wollte nur oans, hoam noch Büttelborn.

Oam Auto ohkumme, schließt er doann off,
er guckt noch unneu n guckt wirrer roff,
"Es des wohr, woas ich hier seh?
Du Orschel do leit doch doi Portmoanee."

Ich glaab die dut´s Gewisse immer noch queele,
drum dut jetzt die Musik des Lied vun de Räuber speele.

Lied: Im Wald da sind die Räuber

Die goanze Johr´n konnt mer immer berichte,
vun de Bauern, aus em Ort, die dollste Geschichte.
Un weil dies Johr im Kerwespruch gar nix drin steht,
glaab ich net, daß des mit rechte Dinge zugeht.

Ich meecht groad unnerstelle die hon sich verschwor´n,
un hon beim Schröppel en Ploan ausgegor´n,
das koaner woas seegt, wenn er en Bolze gerisse,
sunst werrer hochkoannt aus em Gremium geschmisse.

In de Statistik vum Kerwespruch wollt mer gut do steh,
doch oaner baut e Hall, beim Melchior in de Näh,
dem honse iwwer Noacht die Woandplatte geklaut,
un somit horrer die goanz Statistik versaut.

Doch brau mer die Bauern um den Spruch hier zu fülle,
des kenne aach oannern, mit e bisje gut Wille.
Do brauch ich nur, vor mich, in den Kreis neuzugucke,
ja, ja, do braucht er eich gar net zu ducke.

Vorsjohr, Kerwemondoag, es war schun später,
die meiste vun de Kerweborsch hatte´n voll, de Kateter,
do brummt die Sieren un oaner Schreit off,
"Schnell, schnell, hebt mich off moi Fahrroad drof."

"Ich bin bei de Feierwehr, ich muß do jezt he",
schun ess er gefahrn, es war nemme schee.
In de zweit Kurv hatt´s richtich gekracht,
de Arm war kaputt, un mer han gelacht.

Un Vorsjohr oan Kerb, do war noch woas passiert,
do hatt sich en Beivadder kräfttich blamiert.
Die Kerb wollt er ausgroawe mit all dene Borsch,
doch hatt er vorher schun zu große Dorscht.

Erst "hoch die Tasse", doann um 8 Uhr schun hoam,
nochemol gepinkelt, werrem Nochber sion Boam,
do horrer geleje in de Kich unnerm Tisch,
ich glaab des war sogar ich.

Doch gibts aach oanners vun uns zu berichte,
net nur Dabbes- und Vollsuffgeschichte.
Noa, bei uns do werd aach woas geleist,
woas unser Jubiläum vum Summer beweist.

10 Jahre Spaschelkerb wurd gefeiert,
die Königinne soin schun fast all verheiert,
mit ehrne Kerwevaddern durfte se iwwer die Doanzfläch schwole
un dehoam musste se doann off em Connebee schlofe.

Aach jetzt hier oan Kerb gibt´s e kloa Sensation.
5 Kerweborsch sitze heit off em Throm,
mim goldene Bändche fer 10 Johr,
bei uns muß es schee soi, es ess werklich wohr.

Drum speelt die Musik oans vun de schenste Lieder
die Kerweborsch soin lust´che Brüder.

Lied: Kerweborsch soin lust´che Brüder

Wenn ehr jetzt moant ess wär sunst nix passiert,
do hobt er eich goanz gewaldich geirrt,
ich hob noch Asse in moine Karte,
mim offatme misse e paar noch e kloa bisje wade.

Hausmacher Worscht, die schmeckt wunderbar,
un bei uns im Ort do gibt´s noch e paar,
die schlocht dehoam, und an die Worscht doann verkaafe,
vum goanze Ried kumme die Leit hegelaafe.

So wurd aach vergoange wirrer geschoacht goanz groß,
off em bekoannte Hof in de Meenzer Stroß,
die Worscht war gelunge, un ging ach glei aus em Haus,
doch oam nächste Doach flippt es Telefon aus.

Die Leid rufe oh "Ich glaab es geht los",
do es jo goanz oanner Worscht in de Dos,
5 Dose Presskopp hat ich kaaft fer die Oma,
die sieht die Blutworscht, jetzt leit se im Koma.

"Die Deckel vertauscht" ruft de Bauer "oh Schreck,
wer war des gewese, wenn ich den krigg!"
Hinne im Eck zieht oaner de Kopp schun eu.
Es werd doch net de Freund vun soine Dochter soi?

De Vadder guckt he un fängt oh zu griense,
doann seegt er "Jetzt foang net glei o zu piense.
Ich hob a net glei dro gedenkt, so en Mist,
das Du Handballer un a noch Linkshänder bist."

Ich bleib glei beim Hoandball un will eich berichte,
wie die 1. und die 2. ehr Kasse vernichte.
Mim Fliescher noach Spanien, off Mallorca gefloje,
die Boadhos oh un nemme ausgezouje.

E halb Woch war rum, wos soll ich eich soache,
do kumme zwaa oh, sie deede´s nemme erdroache,
es Wasser zu naß, es Bier wär zu warm,
un es Esse wär gar nix, fer ehrn empfindliche Derm.

Mer konnt se net haale, sie wollte zurück,
die oannern hon gesoat: "Ei seid ehr verrickt."
Mim nächste Fliescher do warn se fort,
do soach ich nur oans: "Wer hot, der hot."

Oannern Leid fraan sich un kennes net fasse,
mit em Flugzeug noch Mexico, un des erste Klasse.
Alles fer nix. Geld breicht er koans,
er hot nämlich gewunne, bei de goldene Oans.

Es ess schun e Ding, des soach ich Eich,
vun de Hinnergas fliegt oaner iwwern große Teich.
Nem genuch Bier mit oan den ferne Ort,
mer waas net wie´s ess, vun dehoam so weit fort.

Wenn die Musik jetzt speelt, woas jeder dut kenne,
doann soll des der Gewinner net gar so ernst nemme.

Lied: Es gibt kein Bier auf Hawai

Wos im Örtche so laaft, will ich eich jetzt berichte,
denn do gibts aach e paar intressoannte Geschichte.
E Bürgerbegehre, ermols in Hesse,
wurd unserm Bojemoaster off de Schreibtisch geschmesse.

Es geht um den Platz vor de Gemoa,
un mit soine Plän do steht er ziemlich alloa.
Der Platz soll verkaaft wern, oan die Baugenossenschaft-Ried
Doann wolle se drof baue, daß mer soi Schlössje nemme sieht.

Doch die meiste hier im Ort, die wolle des net,
sie soache es wär schenner, wenn mer en Dorfplatz hätt.
Drum hoan sich e paar zusoamme gefunne,
un oaner hott des in die Hoand genumme.

Er könnt des mache, er hätt jo jetzt Zeit,
feur ihn wär des e Kloanichkeit.
Des glaab ich gern, weil der nix me schafft,
der hot soi Schäfcher schun längst ins trockne gebracht.

Iwwerhaapt ess der Moann sehr aktiv hier im Ort,
do werd gesponsert, bisje hier, bisje dort.
Zum Beispiel die Hoandballer vum TV Büttelborn,
un bei de SKV es er doann Vorsitzender worn!

Ehr Leid des es koan kloane Dumme,
beim Gewerweverein hot er de Vorsitz iwwernumme,
es werd schun gemunkelt hinner de Hoand goanz still,
daß er bei de nächste Wahl Bojermoaster wern will.

Erst kimmt e 6 gefolgt vun ner 4,
doann 572, das merke dir,
mer kennes net ännern, mer hon koa Wahl,
des es unser nei Postleitzahl.

Don hon se wirrer wos gemoacht, die Borsch,
Zoahle iwwer Zoahle, un koaner blickt dorsch,
jetzt waaß ich aach woas des Wort POST bedeit,
Personal ohne sinnvolle Tätigkeit.

Biddelborn, schlichtweg die Ortschaft vun Welt,
wurd letzt aach im Fernseh vorgestellt.
E Porträä vum Toarnverein wurd gedreht,
doch nur oaner hat´s gewusst, es war fast zu spät.

Der geht oan Doch vorher zum Vorstand he,
un segt: "Moje kimmt´s Ferseh, es des net schee."
Die Hektik war groß, un alles war oam renne,
awwer ich glaab, es hot sich seje losse kenne.

Wos hier hern losse koann, des soach ich eich jetzt.
Hoandkäs mit Musik speelt off fast jedem Fest.
Die Biddelberner Antwortoff die Rockgruppe BAP,
do wo die speele, do geht die Post ab.

Letzt warn se im Radio, live, vum Leehemer See,
un im Winter mache se schun ehr zweit CD,
e affegeil Musik, in Mundart die Texte geschrewe,
die wern noch berühmt, es ess net iwwertrewwe.

Sie singe aach Lieder, iwwer des, wos so passiert,
zum Beispiel, wie in Weiderscht de Knast explodiert,
do hat´s schwer gerumpelt, des war e Sach,
es goanze Ort es offgewacht, bei dem laute Krach.

Die RAF war hier, die wärn´s gewese,
des konnt mer später in de Zeitung lese.
Wenn mer do driwwer nochdenkt, do werd mer goanz doll,
die hon vielleicht mojens, in Bäckers, ehr Weck noch geholt.

Oa Ding wollt ich noch bringe, doch ich bin besser still,
aus Gründe die ich hier net nenne will.
Es ess vor korzem erst passiert, un normal geherts noi,
hoffentlich hon die´s vum Volkshaus droi.

Des warn´se gewese aus em Ort die Geschichte,
vun de Weltpolitik will ich nix berichte.
Mer sieht´s jeden Doach im Ferseh droi,
do muß es net aach noch im Kerwespruch soi.

Wenn noch irgenwos wor, des ich hob vergesse,
doann sogt mer´s nochher, do werds nächst Johr gelese,
ich wünsch eich all scheene Kerwedoache.

Kummt in die Tornhall un seid unser Gäst,
do feiern mer zusoamme es Kerwefest.
Un die Musik hot wie immer es letzte Wort,
auf losst de Kerwemarsch erklinge sofort.

Lied: Kerwemarsch

  • Aus der Feder von
    Fred Kraus
  • Kerwevadder
    Andreas Nau
  • Beivädder
    Christian Hirsch, Sebastian Köhler
  • Kerwewatz
    Sebastian Meneghini
  • Schmuddels
    Erik Becker, Christoph Geißler