Kerwespruch 2023

Heer ehr Leit, horscht mer mol zu
unn haalt mol paar Minude Ruh.
Moi Stimm is eh schun leicht zersteert,
weil net jeder Borsch gut heert.

Ich muss mich erstmol vorstelle,
mit rem Spruch, em orginelle.
Ich soin de Torben, gewählt als KV,
wo ich rauskumm, waas jeder genau.

Moi Passion des soin die Spaschelfelder
unn am End aa Kundegelder.
Moi Schwester is die Spaschelkönischin,
des macht in moine Aache Sinn.

Schun gemerkt, dass ihr wo oanners steht,
weil in de Kron garnix meh geht.
Rausgelobt wurd unsern Sider,
im Dolomiti find mern wieder.

Traurisch awwer woahr, mer gehn mit de Zeit
unn soin in dem Fall fer Neies bereit.
Moi Borsch unn ich begrieße eich all,
do uffm Sportplatz hinner de Hall.

Glei kumme die Stories; Holdriho, Hallali.
Awwer erst werd gesunge, so laut wie noch nie.
Drum stimmt all eu, beim schennste lied,
des muss mer heern, im goanze Ried

(Lied: Kerwemarsch/Kerweborsch soin lusdsche Brüder)

+++

Weider gehts im Spruchlatein,
mit interne Stories – lupenrein.
So packt es aa en Männertrupp
in unsern Komödjandeklub.

Oamol im Joahr, des muss seu,
macht mer uffs Fischerfest oan Rhoi.
Des is en gaschdisch loange Poad,
die zwaa Kiste Bier, basste akkurat.

Fischesser gibts bei dere Grupp net oaner,
awwer koan Dorscht, hoat vun dene koaner.
Des basst gut, weil uffm Fischerfest
sich’s aa prima saufe lässt.

So legte unser Kerle los,
es Bier war kloa, de Preis war groß.
Bei Ebbe tat des Bier noch gut,
ehr denkts eisch schun, doann kam die Flut.

So wurd ausm Fischerfest am Rhoi,
mol goanz schnell Hochseefischerei
Doch selwer warnse sich net sicher –
soin mer Tanker oder Fischer?

Woann bei Gernsem die Sunn doann unnergeht,
werrn glei die Netze ausgelegt.
Volle Kraft voraus, alle Segel gesetzt,
zack warnse oan die Thek gewetzt.

Mit veel Seegang wurd uff Mädscher gefischt,
natürlich erfolglos, sie warn veel zu dicht.
Ihr goanzes Geld fer Köder verprasst
unn debei de letzte Zug verbasst.

De Käptn hatt‘ glei die rettend Idee:
„die Crew schläft heit uff hoher See.“
E halb Seemeil weider ging er uff, de Plan
unn de Ausguck meld: verlassener Kahn!

Es kimmt groad oaner sie musste korz waade,
doann wurde die Fischer aa noch zu Pirate.
Sie hibbe ins Bootsche, des dut beinoh kentern,
net allzu schlau, all Backbord zu entern.

Während die Oane doann in de Kahjüte,
naggisch an ihrm Kater brüte,
Dut de seekroanke Rest, statt über Bord ins Freie
press in die Kombüse speie.

Moijends wurd mer, woas en Schreck ,
vun dem Besitzer laut geweckt.
Der kreischt: „Ich jag eisch in die Palz,
doch erstmol kerz ich eisch de Hals!“

Koaner oan Bord werd doann beteuert,
sunst hätte se groad oogeheuert.
Doann bassiert Ebbes, woas mer net kenne:
Seemänner uff Landgang, orrer besser Landrenne.

Uff koan Fall kriegt der Kerl e Stick Hals,
vorher renne mer fort, nur net in die Palz.
Hätt der des Chaos unner Deck erblickt,
hätterse glei iwwer die Ploank geschickt.

Jetz erst die Moral, doann e Seemoannslied probiert,
dass jeder waas, woas glei bassiert.
Lauscht unn singt mit, dass es woas bringt,
weils nur aus viele Kehle klingt.

Fischer bleib in deum Gewässer,
do findste aa die Koje besser.
Unn zum Abschluss, des muss soi,
es scheene Lied vum Vadder Rhoi.

(Lied: Ich hab den Vater Rhein in seinem Bett gesehn)

+++

Heitek vum Foinste, jetz aa im Gaade,
Flora unn Fauna warn nur am waade.
Heit werds Groas automatisiert,
akkurat unn korz rasiert.

In unserm scheene Ort do gibts e Paar,
ich moan koa Schuh, sondern Moann unn Fraa.
Die hoann en Gaade, groß wie e Tischtennisplatt
unn hatte schun loang es Groas mähe satt.

Er zu ihr so: „horsch mol Modder,
mer kaafe uns en Mährobodder.“
De Billischsde rausgesucht unn glei bestellt,
geliefert iwwer Noacht, fer bissje meh Geld.

Woas warn unser Zwaa so uffgerescht,
wie des Ding ihr Groas wohl pfleescht.
Oafach wars noch beim Kaddong,
doch bei de Programmierung, do schwillt de Ballong.

Die Sprooch war goanz falsch eugestellt,
des Ding hoat geschwätzt wie Rudi Karell.
Unn die Anleitung, es herrscht Ordnung hier
die lag schun längst beim Altbabbier.
Goanz hinne werrn die Wolke dungel,
ich moan mer heert aa schun Gerumbel.
Des Ding koann net bei Reije mähje,
um die Garantie, wärs sunst gescheije.

Vum Eustelle noch dorschenoanner,
seegt de Oane zu de Oanner:
„Alles probiert, des Ding spurt net,
jetz gehn mer erstmol nuff ins Bett.“

Erst korz gemaust, doann wie Mäusjer geschloofe,
derweil hoat de Mäher genuch vun dene Glowe.
Der dacht sich halt ganz unscheniert,
Mähwerk oo unn losmarschiert.

Erst alle Kabel Unn doann die Schuh,
Reibekäs frisch gemulcht im Nu.
Doann zackert er wie e Ducati,
dorsch de Oma ihrn Flokati.

Die Wohnung hoatter massakriert
unn Omas Teppisch korz rasiert.
Als er die Trepp doann ausprobiert,
isser unne explodiert.
Wie des bassiern koann wollter wisse?
Mer hätt halt bei de Sach soi misse.
Sie hatte AM unn PM verdreht,
do hoat der Kerl halt noachts gemeeht.

Des wars mit de Rasemähergeschischd,
unn da war nix dezugedicht.
Gespoannt dun mer uff nächst Joahr waade,
doann gibt’s en Staubsauger fern Gaade.

+++

Woann alle Leit noch seelisch schloofe,
steht de Hansi längst am Ofe.
So kriegter mit, woas noachts bassiert
unn wer so aus de Kneip spatziert.

Letzt in de Noacht, es piept noch koan Spatz,
kam’s zum SEK Einsatz
Wie unn warum des will ich eisch soache,
doch erst kennt ich en Woi vertroache.

Oam Owend vor dere Großaktion,
soin all in die Beiz, noochm Stadion.
Woas des e subber Party war,
mit de Buuwe in de Häbby Bar.

Doch wie immer treiwes die Kerle zu doll,
sie saufe sich zu unn soin roawevoll.
Wer so veel seift, muss veel uff de Klo
unn in dere Beiz, do gibts nur zwo.

Fer oan war uffm Männerklo koan Platz,
netmol fer en kloane Spatz.
Sofort kam em die rettend Idee,
er hockt sich bei de Mädscher hee.

Zack war er doann eugeschloofe,
währen die Oannern mit de Kellnern schwoofe.
Soin goanze Trupp is hoam gerennt
unn unsern Vochel eugepennt.

Es schläft sich subber uffm Dameklo,
woann mer fer Zwaa seift is des so.
Die Bar macht zu, all müsse raus,
die Lichter gehn glei alle aus.

Kontrolliert wird nur es Männerklo,
weil Mädscher warn jo garkoa do.
Uffgewacht, er kloppt oan die Scheiwe,
er wollt doch net fer immer bleiwe.

Er war im Kopp noch schwer verwirrt,
als er so durch die Kneipe irrt.
Er leeft dorsch die Beiz, er will doch nur naus,
unn löst de stille Alarm demit aus.

Des hoatter net gemerkt es war schun halb vier,
erstmol oan die Thek, en Schnaps unn e Bier.
Subber des kost heit koa Geld,
woas er net wusst: Er war umstellt.

Es SEK is in die Kneip marschiert
unn hat den Vochel inhaftiert.
Oans soach ich eich, vergessts nur net:
E Mädscherklo, des is koa Bett.

Merkt eisch nur de nächste Satz:
Schloof in deum Nest, du bleeder Spatz.

+++

E Hochzeit zu ploane, des is schwer
unn im Ausloand noch viel mehr.
Woann mer sowoas macht, do moacht mers rischdisch,
alle Kumpels debei, des is sehr wischdisch.

Alle Leit soin mit Fliescher unn Boahn,
nunner in die Toskana gefahrn.
E Grupp die warn all do vum Ort,
fahrn gern zum Saufe mol weit fort.

Der goanze Trip war net für umme,
so wurd vor Ort e Villa genumme.
Kaum war mer dort, ging’s aa glei los,
gelacht, getrunge unn Bier aus de Dos.

Die Hochzeit is erst in zwo Doache,
bis dohie werd sich - keine Froache,
rischdisch oaner noigestellt,
mer will jo aa woas, fer soi Geld.

In dem Häusje, so bräucht mers immer,
hot jeder soi eischen Badezimmer.
Am Oowend doann, es war schun spät,
es irgendwoann ins Bettche geht.

Oaner war voll unn wollt noch mause,
also dut er noch schnell brause.
Nochm Trockemache, druff geschisse,
werds Hoandtuch iwwer die Loamp geschmisse.

Abgelegt, jetzt werd gepennt
unn net meh wild erumgerennt.
Es Mädsche vun dem volle Typ,
des wurd werklisch gar net mied.

Sie riecht unn moant hier fackelt was,
guggt ausm Fenster, uff die Gass.
Sie sieht do nix unn denkt sich noch:
„Ich glaab do brennts, ich riech des doch.“

Sie geht ins Boad woas sieht se do?
Des Handtuch brennt schun lichterloh.
Sie kreischt unn brüllt unn werd goanz wild,
derweil de Kerl im Bettsche chillt.

Oa Gligg hoat ses glei gebliggt,
unn des Feuer schnell erstiggt.
Voller Qualm es ganze Klo,
vum Hoandtuch nur noch Asche do.

Des woar werklisch net so schee,
wer kimmt doann aa uff die Idee,
e Hoandtuch iwwer e Loamp zu schmeiße.
Der Kerl, der war zu bleed zum Scheiße.

+++

Woann junge Kerl aus Biddelborn,
weider fort als Geere foahrn
unn des alles aa noch ohne Alt,
so glaabt mer, dass es rischdisch knallt.

Im Friehling geht’s uff JGA,
wie sichs geheert, ohne die Fraa.
Lauder scheene Kerl, en riese Trupp,
die mache sich mol schee kabutt.

Moijends getroffe, de Dorscht war groß,
fahrn se mit em Bussje los.
Bier unn Schnaps, schun moijends frieh,
die Schleuse uff, Dorscht wie noch nie.

Oan Kerl war bei dem Trupp debei,
fer den war die Fahrt, e Quälerei.
Weil im Reisebus unn des is net doll,
do macht sein Spatz net woas er soll.

Er koann do net brunze, deshalb gibts e Paus,
des goanze Bier muss endlich naus.
Schnell uff de Dibbe, uffs Tankstelle-Klo,
des is beschisse, awwer doann isses halt so.

Er brauch bissje länger, jetzt awwer ab,
sunst werd des mit de Abfahrt knapp.
Er rennt schnell aus de Tankstell raus,
es Wedder sieht beschisse aus.

En riese Sturm, es pisst wie Sau,
unn unsern Kerl, war ratzeblau.
Jetz wo er netmeh pisse muss,
rennt er pitschnass Richtung Bus.

Er koann de Bus do hinne seije,
jetzt bloß net uff de Abbel leije.
Es soin noch paar Meder fast hoat ers gepackt,
unn korz vorm Ziel, hoat ers noch verkackt.

Vor soine Aache fährt de Bus doann los,
de Kerl steht alloa do, mit de nasse Hos.
Er ruft laut aus: „Du meine Fresse –
die Oannern, die hoann mich vergesse.“

Des bassiert halt schnell emol,
woann mer verfällt, dem Alkohol.
Mim Taxi hinnerher unser Deppsche,
90€, des war koa Schnäppsche.

Die oannern hatte riese Spaß,
unn unsern Kollesch, war als noch nass.
Mer singe fer den Kerl, unn alle oannern Leit,
ein Prosit, der Gemütlichkeit.

(Lied: Ein Prosit der Gemütlichkeit)

+++

Oan Event gibt’s do im Kreis,
wo jeder Borsch goanz genau weiß,
Kreiskerweborschtreffe, korz KKT,
do gehts ab, do werds wirrrer schee.

Letzt mol isses ausgericht worrn,
vun de Koryphäe aus Biddelborn.
Drei Joahr woar Ruh, des war net so doll,
jetzt geht’s noch Crumscht unn zwar mit de Roll

So e stark Grupp, des gabs noch nie,
mit 40 Moann, soin unser Borsch hie.
Mit Zelte unn Bier, alles war foi,
jetzt stelle mer uns mol schee oaner neu.

Oam erste Oowend, like wers noch kennt,
speelt im Zelt, e rischdisch gut Band.
Es wurd veel getrunge unn aa gelacht
unn de Mädscher scheene Aache gemacht.

En Biddelberner, so en stramme Typ
hoat sich do in e Mädsche verliebt.
Zwo Sätz geschwätzt und drei Bier vum Fass,
kumm mit moi Mädsche, ich zeisch dir mol woas.

Unsern Kerl hoatt doann net lang gefackelt,
des Zelt, des hoat nur so gewackelt.
Unser zwoo Täubscher, woarn voll debei,
des woas do abging, war net jugendfrei.

Uff oamol gehts Zelt uff, es Geschrei woar groß,
beide suche se schnell noch ehr Unnerhos.
En Kerweborsch vun rem oannern Trupp,
der hoatt doann goanz schee bleed geguggt.

Unsern Armor woar en scheene Held,
er maust mit de oanner, im falsche Zelt.
Do hoatt sich de Bub im volle Kopp,
ins Zelt vun em Leehmer Borsch gehockt.

Soi Zelt hoatt er net meh lokalisiert,
do werd die Alt, halt do perforiert.
Es Mädsche woar doann aa glei weg,
zurigg blieb nur, en feuchte Fleck.

Woas lerne mer aus der Geschischd,
beim KKT mause, des isses nicht.
Machs wie de BV, geh groad ins Feld,
unn leg dich net ins fremde Zelt.

+++

Die scheenst Zeit im goanze Joahr,
is die Kerwezeit, des iss uns kloar.
Doch fer viele fromme Leit,
is des halt, die Woihnoachtszeit.

Die Doache soin korz, kalt is uff de Gass,
do hoawwe moanche Leit ihrn Spaß.
Es Haus geschmiggt unn Plätzjer mache,
lauder halt so scheene Sache.

Fer oan Verein gibts doann koa Gelersch,
ehr wisst wen ich moan, nadierlisch die Kersch.
Es greeste Fest im goanze Joahr,
do muss alles basse, des is goanz kloar.

Letzt Joahr gabs, es war en Traum,
en wunderscheene Woihnoachtsbaum.
Der war füllig unn aa schee groad,
wies jeder Parre halt gern moag.

So en riese Moped, des muss mer a stelle,
des macht mer net mol uff die Schnelle.
Do wurd mol rischdisch oogepackt,
do hoatts im Geäst aa schee geknackt.

Mer hoat de Boam schwer unnerschätzt
unn beim Stelle net mitenoanner geschwätzt.
Schun bassiert es, des Maleer,
weil so en Baum, der is halt schwer.

Unn als des Ding doann runner fällt,
do isses Taufbecke zerschellt.
Die Taufschaal kabutt, is bleed gelaufe,
jetzt koann mer do halt netmeh taufe.

De scheene Boam der war doann um,
ehr Leit des woar schun goanz schee dumm.
Fer unser Kersch, singer mer laut wie nie,
es scheene Lied, Lauda to si.

(Lied: Lauda to si)

+++

Zwaa Stunn bin ich eier Ohrn oam queele,
drum will ich die letzt Geschischt verzehle.
Jetz mol ich eisch mit Worte e Bild,
glaabt mers ehr Leit es werd nochmol wild.

Es gibt do oaner, der wohnt aa im Ort,
der geht jeden Moijend immer frieh fort.
Er geht net saufe unn lässts net krache,
sondern macht halt annern Sache.

Erstmol raus unn e bissje spazieren,
awwer vorher noch de Spatz massiern.
Korz zum Hansi unn zum Balles aa,
schee Fleisch zum grille, wunnerbar.

Nochm Oikaafe gehts endlich hoam,
er wollt jo doann noch Rädsche foahrn.
In seum Gaade ach wie schee,
do dut aa soi Fahrrad steh.

Bevor ers wirrer mol verrafft,
geheert soi Road in die Reih geschafft.
Er geht in de Gaade, muss sich erstmol besinne,
do koann doch Irgendwoas net stimme.

Hinne in de Heck, ai der daus,
guggt en Cowboy Hut enaus.
Es raschelt bissje, wos werd doann soi,
er guggt mol ins Gebüsch enoi.

Woas er do sieht werd er net vergesse,
zum Gligg hoat er heit noch net gegesse.
Do hoggt en Kerl medde im Gestripp,
der sich e Brikett ausm Rigge driggt.

Denn oans ehr Leit, des missder Wisse
de Kerl hoat oafach in de Gaade geschisse.
Des Dünge koann er sich jetz sparn,
unn muss net meh zum Baumarkt fahrn.

+++

So ehr Leit, des woars gewäse,
de Spruch `23, is jetzt verläse.
Wie in de Red vum letzte Joahr,
ist jed Geschischd, vollkomme woahr.

Woas ich erzählt hoab, ehr kennts glaawe,
hoat oaner geseije mit eigene Aache.
Jed Story stimmt unn des is e Brett,
Fake News, sowoas gibts bei uns net.

Ob bei de oane, orrer de oanner Geschischd,
hier wurd nix, dezu gedicht.
Woas ich eisch erzähl, des is Gesetz,
drum werd heit schee oaner gepetzt.

Weil jetz horscht zu, isses endlich soweit
mer feiern die goldisch Kerwezeit.
Die best Kerb im Kreis, des wisser me all,
zum erste mol, nur oan de Hall.

Oam End rischd ich noch e ernst Wort,
oan alle Leit aus unserm Ort.
Woas mer do hoann, hoann viele net
die gehn oan ihrne Kerb, bei Zeit ins Bett.

Also macht mol en Dienst unn seid unnerwegs,
unn geht eisch de Partner mol uff de Keks,
doann saacht em, Schatz des is jetzt so,
die Biddelberner Kerb is wirrer do.

Denn oans, des misster halt versteije
unser Kerb, die bleibt besteije.
Schafft eisch am Wocheend, all in die Reih,
unn tragt all eiern Teil dezu bei.

Jetzt hebt eier Gläsjer unn stoßt mit mer oo,
die gut ald Biddelberner Kerb iss wirrer do.
Jetz singe mer all, mit Leib und Seel
de Kerwemarsch, aus voller Kehl.

(Lied: Kerwemarsch/Mer Biddelberner Kerweborsch)

  • Aus der Feder von
    Max Kraus und Jan Schneider
  • Kerwevadder
    Torben Senßfelder
  • Beivädder
    Lovro Magic und Julian Raiß
  • Kerwewatz
    Tim Hahn
  • Schmuddels
    Johannes Klink, Manuel Janz und Marvin Hein