Kerwespruch 2019

Achtung achtung, gebt all schee Acht,
Denn ich hob eisch wos mitgebracht.
Ehr halt jetzt am besde, all eier Schnut,
Damit ehr besser horsche tut.

Woann ich mers vun de Seele lese,
woas im Ort, so is gewese.
Denn endlich isses wirrer soweit,
mer feiern in Biddelborn die schennste Zeit.

Soveel Leit die hier rumsteh,
ai glaabstes doann, woas is des schee.
All nur weje mir, ich krieg glei e Rohr,
Awwer ich stell mich eisch jetzt erstemol vor.

Ob Fat Siggy, Gloria oder Helene,
Noome hatt ich im Ort
schun goanz schee veele.
Ehr habt die Noome noch net gekannt?
Unner Simon Hansche, soin ich besser bekannt.

Fer viele hier bin ich e bekannt Gesicht,
awwer werklisch oafach
hatt ichs im Läwe nicht.
Mit drei Schwester uffwachse,
des is schun krass.
Moi Kindheit, die war echt koan Spass.

Doch ich habs iwwerwunne unn steh heit hier,
unn bin iwwer die Kerb, s‘ höchste Tier.
Do hält selbst unsern Maggus Merkel net mit,
a propos Merkel - hier kimmt glei en Hit.

Der Kerl musst viel oistecke in de erste Tache,
denn er heert glei nur die kridische Fraache.
De Müll werd so deier,
wie koann des doann soi?
Wo steckt die Gemoa des Geld doann enoi?

De Maggus hot des jo net beschlosse,
unn trotzdem ham sich all, uff en oigeschosse.
Ich sach lasst den in Ruh, seid net so bleed,
unn doann gugge mer, wo unser Ort doann baal steht.

Awwer oan Fauxpax hot er sich schun geleist,
des fand ich schun, goanz schee dreist.
Bei de Oischulung do wars gewäse,
Desweije werd des, hier verläse.

Ich glaab der hots genau so gewollt,
unn hat nur die Fussballer, uff die Bühn gehollt.
Er hot se vorgestellt unn se präsentiert,
do henn sich einige, eschoffiert.

Bei aller Liebe zum eigene Sport,
es gibt noch e anner, Hälft vum Ort.
Denn er is net nur Boijemoaster vun de SKV,
sonnern aa vun de Handballer, von unserm TV.

So genuch jetzt vun de Orts-Politik.
Bei de ganze Sach hab ich eh koan Durchblick.
Des solle Leit mache die sich interessieren,
doann koann ich mich uff moi Kerb konzentriern.

Mer feiern 70 Johr, es is kaum zu glaawe.
Ich reib mer ungläubisch die Aache
Es is veel zu schee um woahr zu soi,
Beivadder reich mir doch grad emol de Woi.

In dene 70 Johr is vieles annersder worrn,
Doch oans is gebliwwe in Biddelborn.
Die Kerb, die goldisch,
unn jetzt horscht schee hie,
die werd hier gefeiert, wie vorher noch nie.

In annern Orte sterwe die Kerwe aus,
die hoann koa Kerweborsch, des issn Graus.
Unn jetzt guggts eisch o,
wieviel Buwe hier sitze,
unn bei moim Spruch die Ohrn schee spitze.

Doch bevor ich eisch glei
die Geschischdscher verzehl,
hab ich noch woas uff moiner Seel.
Mer heerts täglich, ehr wisst’s all genau.
Es leeft im Radio unn im TV.

De Hass in de Gesellschaft
wird immer greeßer,
unn die Welt, die werd als beeser.
Rechts geje Links, und Links geje Rechts,
unn geije Fremme werd eh immer glei gehetzt.

Macht eisch mol frei von all dem Hass,
unn habt am Wocheend oafach nur Spass.
Ob schwarz, ob braun, ob gelb, ob weiß,
ich sach, heert uff mit dem rassisdische scheiß.

Hört net uff Fake-News und lasst euch net blende
Dut mol was gutes, zum Beispiel wos spende.
Unn tut mer en Gefalle, des is doch klar,
feiert die Kerb, wie’s immer schun war.

Jetzt koanns glei losgehen,
ehr schmeißt eisch glei fort,
woas wirrer so alles bassiert is im Ort.
Doch vorher ertönt, Narhallamarsch
Musigg speelt schnell de Kerwemarsch.

Lied: Kerwemarsch (Mer Biddelberner Kerweborsch)

Oan Loade in Biddelborn, is meh als bekannt,
dem wird Sunndoachs moijends,
die Bud oigerannt.
Fer die beste Weck muss mer hier net weit fort,
denn die gibt’s beim Hansi midde im Ort.

E Ernst Fraa von Biddelborn,
die is vorm Bägger goanz nass geworrn.
Gepisst hats drauße wie die Sau,
unn im Stress war se aa noch, die arm Frau.

En Laib Brot gekaaft, korz mit de
Leit geschwätzt,
doann schnell ins Audo unn hiegesetzt.
Doch sie bemerkt donn ziemlich flott,
War ich mit dem Audo iwwerhaupt fort?

Des is veel greeser als moin Karrn,
Mit was bin ich doann, do hergefahrn?
De Schlissel basst aa net, do in des Loch,
sie glaabt es net, ei merkt ses noch?

Minude lang war se in dem Auto zu Gange,
unn endlich issrer e Licht uffgegange.
Die Fraa war pletzlich goanz geschockt,
sie hot die gonz Zeit, im fremme Audo gehockt.

Die Fraa, die dut sich ziemlich schäme,
unn ich eisch noch was vum Bägger erzähle.
So en Kerl, unn zwar vom Orchester hier,
der spielt an de Drummel und trinkt aa gern Bier.

Der hot Ausstand beim Bob, denn er zieht baal um,
unn unsern Kerl, der is jo net dumm.
„Mudder bestell mol en Haafe Weck,
unn ich kimmer mich ums Grillbesteck.“

Samstachs moijends hoat er sich
doann bein Hansi gestellt,
„Tut mir Leid guter Mann hier wurd nix bestellt.“
Da wurd er glei gaschdisch, des war net bequem,
unn de Verkäuferin war‘s, goanz schee unangenehm.

Unsern Kerl rieft doann glei die Mudder oo,
„Die ham moi Weck gar nemmer do.“
„Ai Bub ich hab se doch bestellt,
unn de Radke hat se aa schun parat gestellt.“

Mim hochrode Kopp, isser rausmarschiert.
Wos hot der sich groad, in dem Lade blamiert.
Halb so wild seegt er, ich mach ja baal fort,
unn wohn doann in em annern Ort.

Kennt ihr eisch noch dro errinern,
oan de erste Urlaub ohne Kinner?
Des is so entspannt, glei vum erste Tach,
awwer auch fer die Kinner, isses e subber Sach.

Die Eldern ham ihr Ruh unn aa gut lache,
unn die Kinner könne ihrn eigene
Urlaub mache.
So geschehn beim junge Mädsche vun hier,
mit de Freunde in Urlaub unn de Koffer voll Bier.

Ab in die Alpe, wie wunnerbar,
Skifoahrn wolle se, des is doch klar.
De erste Urlaub ohne die alde Leit,
do kenne mer rischdisch feiern heit.

Kaum oogekumme, werd’s Audo getankt,
denn fern billische Sprit, is des Loand ja bekannt.
Dodenooch sinn se glei in de Scherrm gerennt,
unn ham gesoffe, bis de Dachstuhl brennt.

Wos hoat unser Mädsche fern riese Dorscht
Awwer Skifoahrn warn see aa noch, zwischedorsch.
Die Woch ging so schnell rum, wie en halbe Tag,
unn schon stand mer wirrer zur Abreis parat.

Ins Audo gehockt unn de Schlissel gedreht,
„Habt ihr e Ahnung, warum die Kist net oogeht?“
Medde im Schnee stande se doann bleed do,
unn es Audo, des springt oafach net oo.

Unser Mädsche is de Träne nah,
ach wärn doch nur moi Eldern da.
Doch pienze hilft nix, wer hot e Idee?
„Ai doann rufe mer doch, de ADAC.“

De gääle Engel, der is doann glei kumme,
unn hat des Audo unner die Lup genumme.
„Jung Fraa ich glaab“ seegt er doann ganz nett,
„Die schlauste, soinse wohl werklisch net?“

„Zu dem Zeitpunkt do hoann se doch
goanz schee geschwankt,
orrer warum ham se Benzin, in de Diesel getankt?“
All wolle se groß unn selbstännisch soi,
awwer wisse net woas, in ihr Audo kimmt neu.

Ich kriej schun vum schwätze en franzelische Mund,
unn des is mo werklich iwwerhaupt net gesund.
Drum liewe Musigg spielt mol was an,
wo ein jeder schee mitsinge kann.

Lied: Kerweborsch seun lusdsche Brüder

Die nächst Geschischd die ich verläse,
die is werklisch so gewäse.
Als Fan vun Frankfurt, do hat mers groad gut,
weil die Eintracht, so gut speele dut.

En junge Moann von hier, unn soin Freund aa,
die fahrn uff Auswärtsspiel, mit veel Trara.
Mit em Fanclub, ich erzeehl eisch koan Stuss,
Ab nach Düsseldorf, unn zwar mitm Bus.

Oan de Raststätte Pfungstadt hot mer sich getroffe,
unn glei schee, paar Bier gesoffe.
Gewunne hoann se, es wurd drei mol genetzt,
Noch em Spiel wirrer, in de Bus gesetzt.

Der hält dann an de Raststätte oo,
Die Jungs ausgestieje, sie misse uffs Klo.
Der oane seegt, „Gugg do mol des Haus,
Des sieht genaa, wie in Pfungstadt aus.“

„Ich glaub mer soin schun wirrer do,
ruf doch mol, doi Mudder oo.“
Schnell oogerufe, Ai Mudder kumm bei,
dass du bist, in Pfungstadt glei.

Die Mudder hot sich uff de Weg gemacht.
Un hot sich debei, noch nix beeses gedacht.
Die Kerle hoann do, uff de Rastätt gewaart
Unn de oane hot noch iwwern oannern gesagt:

„Guck unsern Bus, der is aa schun fort,
Mer sinn auf jeden Fall am rischdische Ort“
In de Zwischezeit is die Mudder ookumme,
unn hat die Buwe als net gefunne.

Glei oogerufe, wo steht ihr doann rum?
„Ai Mudder vorm Megges, bist du doann dumm?“
„Do steh ich aa, awwer ich seh eisch net.“
Unn dann hawes die Buwe longsom gecheckt.

Sie fraache rum, unn werrn dann sauer
Sie sinn net in Pfungscht, sondern in Montabaur.
Die bleede Raststätte würde all gleich aussehn,
ich loss des jetzt oafach mo so stehn.

Auch en Kerweborsch, wie solls anners soi,
steht mol wirrer im Kerwespruch droi.
Der Kerl den ich moan, mol seije wers rafft,
hat’s letzt Jahr schun in de Spruch geschafft.

Des war so e bleed Taxi Geschichd,
unn manche Sache die ännern sich nicht.
Mit Freunde in Köln war er gewäse,
unn do könnt mer schee feiern, hat de Bub geläse.

Am Owend soin se doann, se soin jo net bleed
In die Innestadt gezoje, in die Discothek.
Cocktails, Hiidscher unn reichlich Bier,
uff die Uhr geguggt, unn do wars schun halb vier.

Die Oannern fande’s do noch doll,
awwer unsern Bub war schun viel zu voll.
„Isch fahr ins Hotel“ kriegt er grad noch raus,
unn schwankt goanz schee aus de Disco enaus

Is doann ins nächstbeste Taxi gekrawwelt,
unn hat glei de Fahrer zugebabbelt.
Gefalle hat des dem Fahrer net werklisch,
seegt zu unserm Bub: „Die Fahrt hier, kost verzisch.“

Fer so deier Geld hier im Taxi fahrn?
Arschlegge, denkt er, ich hab schun en Plan.
„Herr Fahrer ich bin viel zu blank,
Ich muss do erstmo uff die Bank“

Dort oogekumme hippt unsern Bub goanz flott,
ausm Taxi raus und rennt glei fort.
Fer verzisch Euronen, des is em zu hart,
immerhin soin des, baal achzisch Mark.

Doann hot er sich, e anner Taxi bestellt,
unn is zum Hotel, fers gleiche Geld.
Am Hotel oogekumme, bezahlt er de Mann,
unn fraat sich, dass er glei schloofe kann.

Is doann ins nächstbeste Taxi gekrawwelt,
unn hat glei de Fahrer zugebabbelt.
Gefalle hat des dem Fahrer net werklisch,
seegt zu unserm Bub: „Die Fahrt hier, kost verzisch.“

Fer so deier Geld hier im Taxi fahrn?
Arschlegge, denkt er, ich hab schun en Plan.
„Herr Fahrer ich bin viel zu blank,
Ich muss do erstmo uff die Bank“

Dort oogekumme hippt unsern Bub goanz flott,
ausm Taxi raus und rennt glei fort.
Fer verzisch Euronen, des is em zu hart,
immerhin soin des, baal achzisch Mark.

Doann hot er sich, e anner Taxi bestellt,
unn is zum Hotel, fers gleiche Geld.
Am Hotel oogekumme, bezahlt er de Mann,
unn fraat sich, dass er glei schloofe kann.

Doch dodraus wurd nix, unn ich sach eisch warum,
denn unsern Borsch der war goanz schee dumm.
Denn kaum steigter ausm Taxi enaus,
denkt er sich nur, wos is des jetzt fern Graus?

De Taxifahrer unn zwar der vun vorhin,
der steht pleetzlich, goanz groß vor ihm.
„Du junger frecher, voller Sack
Du schuldest mer, noch achzisch Mark!“

Des koann doch net soi, er hot glei geflennt,
ich war doch so schnell fortgerennt.
Er iwwerlegt im Bett noch viele Stunne,
wie hot der Kerl mich nur gefunne?

Ehr kennts eisch denge, wos war der so bleed
Er hot dem Fahrer, vun soim Hotel erzeehlt.
Unn die Moral vun der Geschischd,
Vom Taxi fortrenne macht mer nicht.

En Club zu gründe is schun schee,
unn woanns ums Bier geht, noch viel meh.
Bei unserm Club, ich sag es dir,
do geht es, nur ums Weizebier.

Die Grupp, die nennt sich TTW,
Mitglieder soins siebzisch unn noch meh.
Oamol im Johr, dut mer sich treffe,
um sich tierisch oan zu gewwe.

Bei Krauscherts im Hof, fand die Sause statt,
Mit zeje Sorte Weize unn Burger satt.
Doch oaner fehlt, wo bleibt er doann?
Dass die Weizeprob, beginne koann.

Guggt zum Tor, do kimmder doch,
es hält en Schlepper press vorm Mauerloch.
Doch hockt do net de Junior Bauer,
sondern soin Vadder unn der is asch sauer.

„Moin Junior, des is allerhoand,
hot gestern oafach, net getankt.“
So bleibt er leie medde im Ort,
unn de Bus noch Gere, der kimmt nemmeh fort

Des mit dem Bus is zwar net schee,
schlimm is awwer aa net, will eh koaner hee.
De Senior hängt derweil am Telefon,
zitiert en bei, de Spritspar-Sohn.

Mim Kanister uffm Buggel, kimmter oogerennt
unn während soin Vadder, noch laut schennt,
leert er de Diesel in de Tank,
vom Vadder hört er leise dank.

Weil dem wurd nämlich loangsam klar,
dass er selbst der bleede war.
Bevor mer größe Töne spuckt,
hätt mer mol vorher uff die Toankuhr geguggt.

Soin Sohn dreht sich um, der Leber zum Lobe,
koann losgehen mit de Weizenprobe.
Unn mer singe jetzt, wie solls oanners sein
Es gibt kein Bier, unn zwar auf Hawaii.

Lied: Es gibt kein Bier auf Hawaii

Ehr Leit, ehr wisst es dut net gut,
woann mer, zuviel trinke tut.
Bei de meisde Geschischde die ich verläse,
war Alkohol im Spiel gewäse.

Unn aach bei de nächst Story hier,
hot der Kerl wohl mehr als zwo, drei Bier.
Es geht um en Spieler vun de Männer oans,
doch e Limit, kennt der schoinbar koans.

So warer in Darmstadt feiern gewäse,
unn konnt um halb zwo, die Uhr nemmer läse.
Zum Hauptbahnhof will er unn zwar schnell,
unn hoggt sich, an die Haltestell.

Do kimmt aa schun de gelwe Bus,
wo unser Kerl doann mitfahrn muss.
Er steigt glei oi, zeije Euro die Kart,
des is koa Schnäppche, mim Bus so e Fahrt.

Er hoggt sich hie unn do fällt em eu,
wie koann die Kart, nur so deier seu?
Vom Lui bis zum Bahnhof, zeije Euro berappe,
des find unsern Kerl awwer goanz schee kacke.

Unn pleetzlich werd em aa noch übel
„Busfahrer oohalde, ich muss emol kübeln“
Do hot der Fahrer e Bremsung gemacht,
unn hot de Bus, glei zum stehe gebracht.

Unsern Spieler hängt sich korz iwwer die Plank,
unn kimmt doann glei zum Bus gewankt.
„Es hot so gerumbelt in moim Darm,
awwer kotze musst ich net, war falsche Alarm.“

Er setzt sich wirrer hie unn freegt en äldere Herr,
woann se doann endlich am Hauptbahnhof wärn?
Er lallt so schwer, mann versteht en net,
Der Herr zeigt nur, auf soi Fluggepäck.

Dodriwwer hot er doann nachgedacht,
unn hot korz druff, netmeh gelacht.
Denn die gelwe Busse, die fahrn all
Zum Terminal oans, an die groß Hall.

Scheiße, er hoggt im falsche Bus,
unn zu allem Überfluss,
Is unserm Kerl schon wirrer net gut,
unn er hält sich schun soi Schnut.

Doch bevor er iwwerhaupt e Wort sache koann,
do fängter schon zu kotze an.
Medde in de Bus, er trifft noch e Frau,
des hot do gestunke, unn zwar wie die Sau.

Ehr Leit, des war en riese Graus,
fer die Aktion gabs koan Applaus.
In Frankfurt steigt er ausm Bus goanz schüchtern,
awwer immerhin war er jetzt nüchtern.

E Fraueteam aus unserm Ort,
brauch am Kerwemondoag, net weit fort.
Doch wie des halt so iss oan Kerb,
is mer Mondoachs moijends merb.

Sie wollte wos esse, doch konnte nix richte,
liewer zum Mittach, paar Grillgerichte.
In unserm Team, do war e Frau,
wies mim Grill leeft, waas die ganz genau.

„Mir bestücke deun neije Grill, glei mojends um neu,
bis de mittach, solls doann fertisch soi.“
Nach getaner Arbeit, die Kehl werd schun trocke,
ab an de Kerweplatz, paar Schobbe kloppe.

De Grill dehoam, schafft schun seit drei Stunne,
unn debei dreht de Broore, uffm Drehspieß soi Runne.
Sie mache sich hoam, es werd loangsam Zeit,
sie misse wos esse, sie soin jo schun breit.

Doch als se in de Gaade spaziert,
hoann se die Welt netmeh kapiert.
Verkohlte Rolläde unn raweschwarze Wänd,
de Grill hat lichterloh gebrennt.

Schnell hee unn es Gas ausgedreht,
do säije se, uff wos de Regler steht.
Alle Flamme, volle Fahrt voraus,
verkohlten ihren Gaumenschmaus.

Do hatte se doch, statts indirekt,
Alle Brenner oogesteckt.
Unn doch hoatte se, meh Glick als Verstoand,
sonst hätt es goanze Haus gebroannt.

Fern Hunger solls doann Pizza soi,
doch der Plan war aa net foi.
Sie bagge ihr Pizza, goanz akkurakt,
hunnertachtzisch Minude, bei fuffzeh Grad.

Drum Kerweborsch stimmt jetzt mit mir eu,
es Lied vom Hunger, solls jetzt seu.

Lied: Wir haben Hunger Hunger Hunger

Brauchst du en neie Gebrauchte heitzutache,
mussde nur noch Google fraache.
Ob mobile oder autoscout.de,
irgendwas, des haut schun he.

So wollt en Biddelberner soin Karrn verkaafe,
doch wos doann kam, is kaum zu glaawe.
De Porsche war kaum inseriert,
do wurd glei die erst Probefahrt arrangiert.

Am Bahnhof in Gere, wollt mer sich treffe,
um dem Karrn, die Sporrn zu gewwe.
„Liewer Mann, könnte mer Richtung Golle,
unn dort moin Kumpel, de Mechaniker holle?“

„Ahja gut geht klar, des könne mer mache,
die paar Meder, soin fer moin Porsche zum lache.“
Sehr intressiert is de Kunde bei de Fahrt,
ob der Porsche auch e Checkheft hat?

Ja klar unn des is besonders foi,
die Scheiwewischer sinn groad neu.
Do kumme se schun in Golle oo,
Hinnergass - Hausnummer zwo.

Unser Kunde verschwind glei im em Haus,
er seegt, er hellt soin Kumpel raus.
Wos is do los, wo bleibt er dann?
unn an soi Handy, geht er aa net dran.

Unsern Verkäufer kocht jetzt schun,
Wart er doch schun seit annerthalb Stunn.
Als er fast schon explodiert,
wird soin zehnte Ooruf akzeptiert.

„Guter Mann horsch mer mol zu,
ich wollt gern Porsche fahren, doch hätt nie Geld dezu.
Unn falls dus als noch net kapiert,
am Kauf soin ich net intressiert.“

Des erzählt der kalt am Telefon,
drauf endet doann soi Meldung schon.
Unsern Eigner merkt doann eschoffiert,
doas er en Schnorrer hot kutschiert.

Drum merkt eisch oans, ich soachs eisch glei,
sunst habter baal aa, en Schmarotzer debei.
Wildfremme Leit, soin net immer ehrlich.
Awwer Porsche fahrn, des is halt Herrlich.

Ehr liewe Leit, des wars gewäse,
die greeßte Bosse soin verläse.
Hot’s eisch erwischt, find ihr eisch wieder,
regt eisch net uff unn schmunzelt liewer.

Weil Kerb des heißt bei uns veel Spaß,
Singe unn saufe uff de Gass,
Doanze unn schwoofe in de Hall,
denn Kerb is oafach iwwerall.

Fast sechszisch Altkerwevädder uff de Roll,
dezu die Musigg, wundervoll.
Es goanze Ort geschmiggt blau-weiß
unn Bier gibt’s aa fern gude Preis.

Horscht noch korz zu, nur noch e Wort,
mer hoann do aa noch, en Rekord.
Diesjoahr gabs neun neie Kerweborsch,
bleibt all debei unn zieht zeje Joahr dorsch.

So jetzt langt’s, ich dank eisch all,
ich hoff mer sieht sich in de Hall.
Weil wer die Kerb so rischdisch liebt,
in die Tornhall sich begiebt.

Kummt all bei unn feiert mit uns,
mit mir unn meine subber Jungs.
Besucht die goanz alde mol dehoam,
weil ohne die, gäb’s vun uns koan.

De letzte Gruß – wies immer war,
stimmt eu die Musigg, ufftata.
Legt los ihr Bläser goanz do hinne,
ich hoff er kennt die Node, fer de Kerwemarsch finne.

Lied: Kerwemarsch